ଅଭିନେତା କମଲ ହାସନ ଓ ଅଭିନେତ୍ରୀ ସାରିକାଙ୍କ ଝିଅ ଶ୍ରୁତି ହାସନ ଦକ୍ଷିଣ ଭାରତୀୟ ଚଳଚ୍ଚିତ୍ରରୁ ଆରମ୍ଭ କରି ବଲିଉଡ ସିନେମାରେ ମଧ୍ୟ ନଜର ଆସିଛନ୍ତି। ହେଲେ ପିତାଙ୍କ ଭଳି ସେ ନିଜର ପରିଚୟ ସୃଷ୍ଟି କରିପାରିନଥିଲେ ମଧ୍ୟ ସର୍ବଦା ଚର୍ଚ୍ଚାରେ ରହି ଆସିଛନ୍ତି। ବହୁତ କମ୍ ଲୋକ ଏହା ଜାଣିଛନ୍ତି ଯେ, ମାତା-ପିତାଙ୍କ ବିହାହର ୨ ବର୍ଷ ପୂର୍ବରୁ ଶ୍ରୁତିଙ୍କ ଜନ୍ମ ହୋଇଥିଲା। ଆଜି ହେଉଛି ତାଙ୍କ ଜନ୍ମ ଦିବସ।
ଶ୍ରୁତି ହାସନ ଚେନ୍ନାଇରେ ସ୍କୁଲ ଶିକ୍ଷା ଶେଷ କରିବା ପରେ ଉଚ୍ଚ ଶିକ୍ଷା ପାଇଁ ସେ ମୁମ୍ବଇ ଯାଇଥିଲେ। ଏହା ସହ ସଙ୍ଗୀତ ଶିକ୍ଷା ପାଇଁ ସେ କାଲିଫର୍ଣ୍ଣିଆ ମଧ୍ୟ ଯାଇଥିଲେ। ଏହା ପରେ ସେ ନିଜ ପିତାଙ୍କ ଫିଲ୍ମ ଚାଚି ୪୨୦ରେ ଏକ ଗୀତ ଗାଈଥିଲେ। ‘ହେ ରାମ’ ଫିଲ୍ମ ମାଧ୍ୟମରେ ଶିଶୁ କଳାକାର ଭାବେ ଶ୍ରୁତି ନିଜର କ୍ୟାରିୟର ଆରମ୍ଭ କରିଥିଲେ। ‘ଲକ’ ଫିଲ୍ମରୁ ସେ ବଲିଉଡରେ ନିଜର ଯାତ୍ରା ଆରମ୍ଭ କରିଥିଲେ। କିନ୍ତୁ ବଲିଉଡରେ ତାଙ୍କ ଯାତ୍ରା ସେତେଟା ସଫଳ ନଥିଲା। ‘ଦିଲ ତୋ ବଚ୍ଚା ହେ ଜୀ’, ‘ରମେୟା ବସ୍ତାବେୟା’, ‘ୱେଲକମ ବ୍ୟାକ୍’ ଏବଂ ‘ଗବର’ ଆଦି ଫିଲ୍ମରେ ସେ ନଜର ଆସିଥିଲେ। କିନ୍ତୁ ଏଥିରେ ସେ ବିଶେଷ ସଫଳତା ହସଲ କରିପାରିନଥିଲେ।
କମଲ ହାସନ ଓ ସାରିକା ଲିଭ ଇନ୍ ରିଲେସନଶିପ୍ ରେ ରହିଥିଲେ। ଏହି ସମୟ ମଧ୍ୟରେ ସାରିକା ଏକ ଶ୍ରୁତିଙ୍କୁ ଜନ୍ମ ଦେଇଥିଲେ। ଶ୍ରୁତି ଜନ୍ମ ହେବାର ଦୁଇ ବର୍ଷ ପରେ ୧୯୮୮ରେ କମଲ ହାସନ ଓ ସାରିକା ବିବାହ ବନ୍ଧନରେ ବାନ୍ଧି ହୋଇଥିଲେ। ବିବାହ ପରେ ସାରିକା ଫିଲ୍ମ ଜଗତରୁ ଦୂରେଇ ଯାଇଥିଲେ। ୧୯୯୧ରେ ସେ ଦ୍ବିତୀୟ ଝିଅ ଅକ୍ଷରା (ଅକ୍ଶରା)ଙ୍କୁ ଜନ୍ମ ଦେଇଥିଲେ।
