ଗୋପାଳପୁର : ଗୋପାଳପୁର ଥାନା ଅନ୍ତର୍ଗତ ଭେଙ୍କଟରାୟପୁରରୁ ବାଇକ ଚୋରି ହୋଇଥିବା ନେଇ ଗାଡ଼ି ମାଲିକ ଥାନାରେ ଲିଖିତ ଅଭିଯୋଗ କରିଛନ୍ତି l ସୂଚନା ଅନୁସାରେ, ଜଗତସିଂହପୁର ଜିଲାର ରୁଦ୍ର ପ୍ରତାପ ସ୍ୱାଇଁ ଗତକାଲି ଗୋପାଳପୁର ବୁଲିବାକୁ ଆସିଥିଲେ । ତାଙ୍କ ସାଙ୍ଗ ଘରକୁ ରାତ୍ର ପ୍ରାୟ ୮ଟା ସମୟରେ ଭେଙ୍କଟରାୟପୁର ଯାଉଥିବା ସମୟରେ ସେହି ଗ୍ରାମର ଚର୍ଚ୍ଚ ନିକଟରେ ବାଇକ ନମ୍ବର ଓଡ଼ି ୦୫ ଏସ ୫୪୫୮ ଗାଡ଼ିଟି ଖରାପ ହୋଇଯାଇଥିଲା । ଗାଡ଼ିଟି ସେଠାରେ ରଖି ମେକାନିକ ଡାକିବା ପାଇଁ ଯାଇଥିଲେ । ସେଠାରୁ ଆସିବା ପରେ ବାଇକଟି ସେଠାରେ ନଥିବା ଦେଖି ବହୁ ବହୁ ଖୋଜା ଖୋଜି କରିଥିଲେ । ପରେ ନ ମିଳିବାରୁ ଗୋପାଳପୁର ଥାନାରେ ଲିଖିତ ଅଭିଯୋଗ କରିଥିଲେ । ଅଭିଯୋଗ ଅନୁସାରେ ପୁଲିସ ନମ୍ବର ୨୧୭/୨୩ରେ ମାମଲା ରୁଜୁ କରି ତଦନ୍ତ କରୁଥିବା ପୁଲିସ କହିଛି।
Comments are closed.