ଭୁବନେଶ୍ୱର: ଭିଜିଲାନ୍ସ ଜାଲରେ ଆଉ ଜଣେ ବାବୁ । ସାଧାରଣ ଜନସ୍ୱାସ୍ଥ୍ୟ ଡିଭିଜନ-୧ର ସହକାରୀ ଯନ୍ତ୍ରୀ ମାନସ ରଞ୍ଜନ ସାମଲଙ୍କ ଘରେ ଆଜି ଭିଜିଲାନ୍ସ ପକ୍ଷରୁ ଚଢ଼ାଉ କରାଯାଉଛି । ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ମାନସଙ୍କ ଅଫିସ ସମେତ ଏକକାଳୀନ ୬ଟି ସ୍ଥାନରେ ଚଢ଼ାଉ କରୁଛି ଭିଜିଲାନ୍ସ ଟିମ୍ । ଭୁବନେଶ୍ୱରର କାର୍ଯ୍ୟାଳୟ, କଟକ, ଜଟଣୀ ଓ କୁଜଙ୍ଗରେ ଭିଜିଲାନ୍ସର ଟିମ୍ ତନାଘନା କରୁଥିବା ଜଣାପଡ଼ିଛି ।
କଟକ ସିଡିଏ ସେକ୍ଟର-୭ରେ ଥିବା ଏକ ତିନି ମହଲା ଘରେ ଭିଜିଲାନ୍ସ ଚଢ଼ାଉ କରୁଥିବା ବେଳେ କଟକର ସୋଲେପୁରରେ ଥିବା ଏକ ଘର ସହ ଚମ୍ପତି ପାଟଣାରେ ଥିବା ମାନସଙ୍କ ବନ୍ଧୁଙ୍କ ଘରେ ମଧ୍ୟ ଚଢ଼ାଉ କରୁଛି ଭିଜିଲାନ୍ସ । ସେହିପରି ଜଗତସିଂହପୁରର କୁଜଙ୍ଗରେ ମାନସଙ୍କ ସମ୍ପର୍କୀୟ ଘରେ ଭିଜିଲାନ୍ସ ଚଢ଼ାଉ କରୁଛି ।
ଏଥି ସହିତ ଜଟଣୀରେ ସାନସଙ୍କ ରହିଥିବା ଏକ ଫ୍ଲାଟରେ ମଧ୍ୟ ଭିଜିଲାନ୍ସ ଟିମ୍ ଚଢ଼ାଉ କରୁଥିବା ସୂଚନା ଦିଆଯାଇଛି । ଏହି ଚଢ଼ାଉରେ ୩ଜଣ ଡିଏସପି, ୧୧ଜଣ ଇନିସପେକ୍ଟର, ୨ଜଣ ସବଇନିସପେକ୍ଟର, ୫ଜଣ ଏଏସଆଇଙ୍କ ସମେତ ଓ ଅନ୍ୟାନ୍ୟ କର୍ମଚାରୀ ନିୟୋଜିତ ରହିଛନ୍ତି ।
Comments are closed.