ଗଞ୍ଜାମ: ଗଞ୍ଜାମ ସହରରେ ଅବସ୍ଥିତ ଭାରତୀ ବିଦ୍ୟାପୀଠ ଗତ ୬୬ବର୍ଷ ପୂର୍ବେ ପ୍ରତିଷ୍ଠା କରାଯଇଥିଲା । ଏଠାରେ ସମସ୍ତ ଭିତ୍ତି ଭୂମି ରହିଛି ଶିକ୍ଷାର ଉନ୍ନତି ପାଇଁ । କିନ୍ତୁ ଦୁଃଖର ବିଷୟ ହେଲା ଏତେ ବର୍ଷର ପୁରୁଣା ସ୍କୁଲ ହୋଇଥିଲେ ମଧ୍ୟ ଏହି ସ୍କୁଲରେ ଦୀର୍ଘ ଦିନ ହେଲା ଜଣେ ସ୍ଥାୟୀ ପ୍ରଧାନଶିକ୍ଷକଙ୍କୁ ସରକାରଙ୍କ ପକ୍ଷରୁ ନିଯୁକ୍ତି ମିଳୁନାହିଁ । ଯାହାକୁ ନେଇ ବୁଦ୍ଧିଜୀବୀ, ପୁରାତନ ଛାତ୍ରମାନଙ୍କ ମଧ୍ୟରେ ଅସନ୍ତୋଷ ପ୍ରକାଶ ପାଉଛି । ଏପରିକି ସ୍କୁଲରୁ ଏନସିସିକୁ ଉଠାଇ ଦିଆଯାଇଛି । ଯାହାକୁ ନେଇ ଛାତ୍ରଙ୍କ ମଧ୍ୟରେ ଅସନ୍ତୋଷ ରହିଛି । ଏନେଇ ବାରମ୍ବାର ବିଭାଗୀୟ କର୍ତ୍ତୃପକ୍ଷଙ୍କୁ ଅବଗତ କରାଯଇଥିଲେ ମଧ୍ୟ ଅଦ୍ୟାବଧି କିଛି ସୁଫଳ ମିଳିନାହିଁ । ଏହି ସ୍କୁଲର ଦୁଇ ସମସ୍ୟା ପ୍ରତି ପ୍ରଶାସନ ଦୃଷ୍ଟି ଦେବାକୁ ଦାବି ହେଉଛି ।
ସୂଚନା ଯୋଗ୍ୟ ଯେ, ଏହି ସ୍କୁଲଟି ୧୯୫୫ ମସିହାରେ ପ୍ରତିଷ୍ଠା ହୋଇଥିଲା । ଏପରିକି ଗତ ୨୦୧୧ ମସିହାରେ ସ୍କୁଲ ତାର ସୁବର୍ଣ୍ଣ ଜୟନ୍ତୀ ପାଳନ କରିଥିଲା। ତତକାଳୀନ ରାଜ୍ୟପାଳ ଏହି ଉତ୍ସବରେ ଯୋଗ ଦେଇଥିଲେ। ଅନେକ ମେଧାବୀ ଛାତ୍ର ଏହି ସ୍କୁଲରେ ପଢି ଆଜି ସମାଜରେ ଭଲ ସ୍ଥିତିରେ ରହିଛନ୍ତି । ବର୍ତମାନ ସ୍କୁଲରେ ବାର ଜଣ ଶିକ୍ଷକ ଓ ଶିକ୍ଷୟତ୍ରୀ ରହିଛନ୍ତି । ଚଳିତ ବର୍ଷ ଦଶମରେ ୯୩ ଓ ନବମ ଶ୍ରେଣୀରେ ୮୨ ଜଣ ଛାତ୍ର ରହିଛନ୍ତି। ଐତିହାସକ ଗଞ୍ଜାମ ସହରରେ ରହିଥିବା ଏହି ପୁରାତନ ସ୍କୁଲର ସମସ୍ୟା ପ୍ରତି ଜିଲ୍ଲା ପ୍ରଶାସନ ଓ ବିଭାଗୀୟ କର୍ତ୍ତୃପକ୍ଷ ଦୃଷ୍ଟି ଦେବାର ଆବଶ୍ୟକତା ରହିଛି ବୋଲି ସାଧାରଣରେ ଦାବୀ ହେଉଛି ।
Comments are closed.