ଭଦ୍ରକ: ଅଟୋରେ ଯାଉଥିବାବେଳେ ବାଂଲାଦେଶୀ ସନ୍ଦେହରେ ୬ ଜଣକୁ ଅଟକ ରଖି ପୁଲିସର ଜିମା ଦେଲେ ସ୍ଥାନୀୟ ଲୋକ। ଯାହାକୁ ନେଇ ଘଟଣା ସ୍ଥଳରେ ଉତ୍ତେଜନା ଲାଗି ରହିଥିଲା । ଆଜି ସକାଳେ ବାସୁଦେବପୁର ବଜାରର ହାଇସ୍କୁଲ ଛକ ନିକଟରେ ଏକ ଅଟୋରେ ୬ଜଣ ଯାଉଥିବା ବେଳେ ବାଂଲାଦେଶୀ ସନ୍ଦେହରେ ସ୍ଥାନୀୟ ଲୋକମାନେ ଅଟକାଇଥିଲେ । ଏବଂ ସେମାନଙ୍କର ପରିଚୟ ମାଗିଥିଲେ । କିନ୍ତୁ ସେମାନଙ୍କ ପରିଚୟ ଠିକ ଭାବରେ ଦେଇନପାରିବାରୁ ଘଟଣା ସ୍ଥଳରେ ଉତ୍ତେଜନା ଲାଗି ରହିଥିଲା । ପରେ ସ୍ଥାନୀୟ ଲୋକେ ଡ୍ରାଇଭରକୁ ମାଡ ମାରିବା ସହିତ ବାସୁଦେବପୁର ଥାନାକୁ ଖବର କରିଥିଲେ। ଖବରପାଇ ପୁଲିସ୍ ଘଟଣାସ୍ଥଳରେ ପହଞ୍ଚି ସେମାନଙ୍କୁ ଥାନାକୁ ନେଇ ପଚରାଉଚରା କରିଛି।
ବାଂଲାଦେଶୀ ସନ୍ଦେହରେ ଅଟୋରେ ଯାଉଥିବା ୬ ଜଣକୁ ଅଟକ ରଖି ପୁଲିସ ଜିମା ଦେଲେ ବାସୁଦେବପୁର ଗ୍ରାମବାସୀ।@Basudevpur Reporter pic.twitter.com/a49FCT8tit
— Samaja Live (@samajalive) August 11, 2024
