ଭବାନୀପାଟଣା : ଧର୍ମଗଡ ବ୍ଲକ୍ ଛିଲିପା ଗାଁରେ ଗତ ପ୍ରାୟ ୫ ଦିନ ଧରି ପାନୀୟ ଜଳ ଯୋଗାଣ ବନ୍ଦ ରହିଛି। ଏଣୁ ତୁରନ୍ତ ଜଳ ଯୋଗାଣ ଦାବିରେ ଗାଁ ଲୋକେ ସ୍ଥାନୀୟ ସରପଞ୍ଚ ଏବଂ ଆରଡବ୍ଲୁଏସଏସ ଏସଡିଓଙ୍କୁ ପଂଚାୟତ ଅଫିସରେ ତାଲା ପକାଇ ରଖିଛନ୍ତି। ଫଳରେ ଛିଲିପା ସରପଞ୍ଚ ବିଭୁଦତ୍ତ ପ୍ରଧନୀ ଏବଂ ଏସଡିଓ ବିକେତା ମାଝି ପଂଚାୟତ ଅଫିସ ଭିତରେ ଅଛନ୍ତି। ଆଉ ସେମାନଙ୍କୁ ତାଲା ମାରି ଲୋକେ ପଂଚାୟତ ଅଫିସ ଆଗରେ ଧାରଣା ଦେଇଛନ୍ତି। ଗାଆଁରେ ଜଳଯୋଗାଣ ପାଇଁ ଏସଡିଓ କିଛି ସମୟ ମାଗିବାରୁ ଗାଁ ଲୋକେ ରାଜି ହେଉନାହାନ୍ତି। ତୁରନ୍ତ ଜଳ ଯୋଗାଣ ଦାବିରେ ଲୋକେ ଅଡ଼ି ବସିିଛନ୍ତି। ଧର୍ମଗଡ ସହର ଠାରୁ ଘଟଣାସ୍ଥଳ ପ୍ରାୟ ୪ କିମି ଦୂରତାରେ ଥିବା ସତ୍ତ୍ୱେ ମଧ୍ୟାହ୍ନ ୩ଟା ସୁଦ୍ଧା କୌଣସି ବରିଷ୍ଠ ଅଧିକାରୀ ଘଟଣାସ୍ଥଳରେ ପହଞ୍ଚି ନଥିଲେ।
Popular Categories
Previous article
Next article