ନ୍ୟୁୟର୍କ: ଲୁଇ ଭିଟନ୍ ମାଲିକ ବର୍ନାର୍ଡ ଆର୍ନଲ୍ଟ ବିଶ୍ୱର ସବୁଠାରୁ ଧନୀ ବ୍ୟକ୍ତି ଭାବରେ ଉଭା ହୋଇଛନ୍ତି। ବିଶ୍ୱର ସବୁଠରୁ ଅଗ୍ରଣୀ ଫାଶନ ଲକଜୁରୀ ଉତ୍ପାଦ କମ୍ପାନୀ ଭିଟନ ମୋଏଟ ହେନେସି (ଏଲଭିଏମଏଚ)ର ମାଲିକା ବର୍ନାର୍ଡ ଓ ତାଙ୍କ ପରିବାରର ମୋଟ ସମ୍ପତ୍ତି ପରିମାଣ ୧୮୬.୨ ବିଲିଅନ ଡଲାର ବୋଲି ଫୋର୍ବସ ପତ୍ରିକାରେ କୁହାଯାଇଛି। ଏଥିସହିତ ସେ ପୂର୍ବରୁ ଏହି ତାଲିକାରେ ଏକ ନମ୍ବର ସ୍ଥାନରେ ଥିବା ସର୍ବବୃହତ ଅନଲାଇନ ରିଟେଲ ପ୍ଲାଟଫର୍ମ ଆମାଜନ୍ ମାଲିକ ଜେଫ୍ ବେଜୋସଙ୍କୁ ପଛରେ ପକାଇ ଦେଇଛନ୍ତି।
ଗତ କିଛି ମାସ ମଧ୍ୟରେ ଆର୍ନଲ୍ଟ ତାଙ୍କର ଏବଂ ତାଙ୍କ ନିୟନ୍ତ୍ରଣରେ ଥିବା ଫରାସୀ ଲେବଲ ବ୍ରାଣ୍ଡ୍ ଅଂଶଧନ ଅଧିକାର କରିବାକୁ ୫୩୮ ନିୟୁତ ଡଲାର ଖର୍ଚ୍ଚ କରିଛନ୍ତି। ଏଥିସହିତ ସେ ବିଶ୍ୱର ଦ୍ୱିତୀୟ ସର୍ବାଧିକ ଧନୀ ବ୍ୟକ୍ତି ସ୍ପେଶ ଏକ୍ସ ଏବଂ ଟେସଲା ମାଲିକ ଏଲନ ମସ୍କଙ୍କୁ ମଧ୍ୟ ଟପିଯାଇଛନ୍ତି। ତାଙ୍କ ଗ୍ରୁପ ଅଧୀନରେ ବିଶ୍ୱର ବହୁ ସୁପ୍ରସିଦ୍ଧ ବ୍ରାଣ୍ଡ୍ ରହିଛି। ସେଥିମଧ୍ୟରେ ଲୁଇ ଭିଟନ, ଗୁକି, କ୍ରିଷ୍ଟିଆନ ଡାୟୋର, ଜିଭେନ୍ସି ଆଦି ଅନ୍ୟତମ।
