ଜେନେଭା: ଗୋମାଂସ ଭୋଜନ ଅଭ୍ୟାସ ପରିତ୍ୟାଗ କଲେ ପରିବେଶ ଉପରେ ଗ୍ରୀନ୍ ହାଉସ ପ୍ରଭାବ ହ୍ରାସ ପାଇପାରିବ। କେବଳ ସେତିକି ନୁହେଁ ଲକ୍ଷ ଲକ୍ଷ ଜୀବନ ରକ୍ଷା ପାଇପାରିବ। ୱାଲର୍ଡ ଇକନୋମିକ୍ ଫୋରମ୍ ପକ୍ଷରୁ ଗୁରୁବାର ଦିନ ଏହି ତଥ୍ୟ ପ୍ରକାଶ ପାଇଛି।
ଫୋରମ୍ ପକ୍ଷରୁ ଅକ୍ସଫୋର୍ଡ ମାର୍ଟିନ ସ୍କୁଲ୍ କରିଥିବା ଏକ ଗବେଷଣା ଲବ୍ଧ ତଥ୍ୟାନୁଯାୟୀ, ଗୋମାଂସ ବଦଳରେ ଅନ୍ୟ ପ୍ରୋଟିନ୍ ଜାତୀୟ ଖାଦ୍ୟ ଗ୍ରହଣ କରିବା ଅଭ୍ୟାସ ଜାରି ରଖିଲେ ବିଶ୍ୱସ୍ତରରେ ଖାଦ୍ୟସଂକ୍ରମଣ ଜନିତ ମୃତ୍ୟୁ ସଂଖ୍ୟା ବିକାଶଶୀଳ ଦେଶରେ ବାର୍ଷିକ ୨.୪% ଓ ବିକଶିତ ଦେଶରେ ବାର୍ଷିକ ୫% ପର୍ଯ୍ୟନ୍ତ ହ୍ରାସ ପାଇପାରିବ। ତେବେ ଗୋମାଂସ ଭକ୍ଷଣ ଯୋଗୁଁ କେଉଁ ରୋଗ ସୃଷ୍ଟି ହେଉଛି ସେ ସମ୍ପର୍କରେ ରିପୋର୍ଟରେ ଉଲ୍ଲେଖ ନାହିଁ। ତେବେ ଯେଉଁ ହାରରେ ଗୋମାଂସ ଚାହିଦା ବୃଦ୍ଧି ପାଉଛି ଓ ଯେଉଁ ପ୍ରକ୍ରିୟାରେ ଗୋ ମାଂସ ପ୍ରକ୍ରିୟାକରଣ କରାଯାଉଛି ତାହା ବିଶ୍ୱ ପରିବେଶ ପ୍ରତି ବିପଦ ସୃଷ୍ଟି କରିବ। ଗୋମାଂସରେ ଥିବା ପ୍ରୋଟିନ୍ର ବିକଳ୍ପ ଭାବରେ ଅନେକ ସବୁଜ ଜାତୀୟ ପନିପରିବା ଓ ଶସ୍ୟକୁ ଗ୍ରହଣ କରାଯାଇପାରିବ, ଯାହା ଉଭୟ ସ୍ୱାସ୍ଥ୍ୟ ଓ ପରିବେଶ ପ୍ରତି ହିତକର ବୋଲି ରିପୋର୍ଟରେ ପ୍ରକାଶ ପାଇଛି।
ଗୋମାଂସ ବର୍ଜନ ସ୍ୱାସ୍ଥ୍ୟ ଓ ପରିବେଶ ପାଇଁ ହିତକର
Popular Categories
Previous article
Next article