ନୂଆଦିଲ୍ଲୀ : କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀ ଓ ତାଙ୍କ ଭଉଣୀ ତଥା ଦଳର ସାଧାରଣ ସମ୍ପାଦକ ପ୍ରିୟଙ୍କା ଗାନ୍ଧୀ ଭଦ୍ରାଙ୍କର ଏକ ଭିଡିଓ ଭାଏରାଲ ହୋଇଛି। ଏଥିରେ ନିଜର ହେଲିକପ୍ଟରକୁ ନେଇ ଉଭୟ କଥାବର୍ତ୍ତା ହେଉଥିବା ବେଳେ ଭାଇ ଭଉଣୀଙ୍କ ମଧ୍ୟରେ ନିବିଡ଼ ସମ୍ପର୍କ ଦେଖିବାକୁ ମିଳିଛି। ରାହୁଲ ପ୍ରିୟଙ୍କାଙ୍କୁ କହୁଛନ୍ତି, ପ୍ରିୟଙ୍କା କମ ଦୂର ଯାତ୍ରା କରୁଛନ୍ତି ତଥାପି ତାଙ୍କୁ ବଡ଼ ହେଲିକପ୍ଟର ଦିଆଯାଇଛି। ସେ ଭଲ ଭାଇ ହୋଇଥିବାରୁ ପ୍ରିୟଙ୍କାଙ୍କଠାରୁ ଛୋଟ ହେଲିକପ୍ଟରରେ ଉଡାଣ କରୁଛନ୍ତି। ପରେ ପ୍ରିୟଙ୍କା ହସି ହସି ରାହୁଲଙ୍କୁ ଆଲିଙ୍ଗନ କରୁଥିବା ଦେଖିବାକୁ ମିଳୁଛି। ଭିଡିଓଟି ଉତ୍ତରପ୍ରଦେଶର କାନପୁର ବିମାନ ବନ୍ଦରର। ରାହୁଲ ଓ ପ୍ରିୟଙ୍କା ନିର୍ବାଚନୀ ପ୍ରଚାରରେ ଯିବା ଲାଗି ସେଠାରେ ପହଞ୍ଚିଥିଲେ। ରାହୁଲ ଗୋଟିଏ ହେଲିକପ୍ଟରେ ରାୟବରେଲି ପାଇଁ ବାହାରି ଯାଇଥିବା ବେଳେ ପ୍ରିୟଙ୍କା ଅନ୍ୟଟିରେ ଉନ୍ନାଓକୁ ଯାଇଥିଲେ। ଏହା ପୂର୍ବରୁ ଉଭୟ ବିମାନ ବନ୍ଦର କର୍ମଚାରୀଙ୍କ ସହିତ ଫଟୋ ଉଠାଇଥିଲେ।
Popular Categories
Next article