କଟକ : ଅସୁଛି ବାଲିଯାତ୍ରା। ପ୍ରଶାସନ ପକ୍ଷରୁ ଆରମ୍ଭ ହୋଇଛି ଯୋରଦାର ପ୍ରସ୍ତୁତି। ବ୍ୟବସାୟୀମାନେ ନିଜର ପ୍ରଚାର ପ୍ରସାର ଓ ବ୍ୟାବସାୟ ପାଇଁ ଉତ୍ସାହିତ ରହିଛନ୍ତି। ଏବେ ପଡିଆ ପ୍ରସ୍ତୁତି ସହ ପ୍ଳଟ ଆବଣ୍ଟନ ପ୍ରକ୍ରିୟା ଜାରି ରହିଛି। ବ୍ୟବସାୟୀଙ୍କ ନିମନ୍ତେ ପ୍ଳଟ ଆବଣ୍ଟନ ଶେଷ ତାରିଖ ୧୨ ତାରିଖ ପର୍ଯ୍ୟନ୍ତ ବଢ଼ାଇ ଦିଆଯାଇଛି। ମାତ୍ର ପ୍ରଶାସନର ପ୍ଲଟ୍ ଆବଣ୍ଟନ ପ୍ରକ୍ରିୟାକୁ ନେଇ ଅସନ୍ତୋଷ ଝାଡୁଛନ୍ତି ବ୍ୟବସାୟୀ। ପୂର୍ବରୁ ଏହି ବ୍ୟବସ୍ଥା ଭଲ ଥିଲା । କ୍ଷୁଦ୍ର ବ୍ୟବସାୟୀ ବାଲିଯାତ୍ରାକୁ ଆସି ନିରାଶ ହେଉ ନଥିଲେ। ସେମାନେ ସୁରୁଖୁରୁରେ ଜାଗା ଖଣ୍ଡେ ପାଇ ବେପାରୁ କରିପରୁଥିଲେ।
ଏବେ ପ୍ରଶାସନର ଜଟିଳ ପ୍ରକ୍ରିୟାରେ ବ୍ୟବସାୟୀ ବହୁ ଅସୁବିଧା ଭୋଗୁଛନ୍ତି। କ୍ଷୁଦ୍ର ବ୍ୟବସାୟୀ ଟେଣ୍ଡର ପ୍ରକ୍ରିୟାକୁ ପସନ୍ଦ କରୁନାହାନ୍ତି। ସରକାରୀ ଧାର୍ଯ୍ୟ ମୂଲ୍ୟ ବହୁ ଗୁଣା ବଢି ଯାଉଥିବାରୁ ଅପେକ୍ଷାରେ ଥିବା ବ୍ୟବସାୟୀଟି ନିରାଶ ହେଉଛି। ଧାର୍ଯ୍ୟ ଦରର ବହୁଗୁଣା ମୂଲ୍ୟ ଦେଇ ଜାଗା ନେବା ସମ୍ଭବ ହେଉନାହିଁ। ପ୍ରଶାସନର ଏପରି ନୀତି ପାଇଁ ଗରିବ ବ୍ୟବସାୟୀମାନେ କଟକ ବାଲିଯାତ୍ରାକୁ ଆସୁ ଆସୁନଥିବା ଅନେକ କ୍ଷୁଦ୍ର ବ୍ୟବସାୟୀ ଦାବି କରିଛନ୍ତି। ଏପରିକି ପ୍ରଶାସନ କ୍ଷଦ୍ର ବ୍ୟବସାୟୀଙ୍କ ନିମନ୍ତେି ନର୍ଦିଷ୍ଟ ଦର ଲାଗୁ କରିବାକୁ ସେମାନେ ଦାବି ଜଣାଇଛନ୍ତି।
