ବାଲେଶ୍ବର: ବାଲେଶ୍ବର ନିକଟ ଚାନ୍ଦିପୁର କ୍ଷେପଣାସ୍ତ୍ର ପରୀକ୍ଷା କେନ୍ଦ୍ରରୁ ସ୍ଥଳଭାଗରୁ ଆକାଶକୁ ଲକ୍ଷ୍ୟଭେଦ କରିପାରୁଥିବା କ୍ଷେପଣାସ୍ତ୍ର ଏମଆରସାମ କ୍ଷେପଣାସ୍ତ୍ରର ପରୀକ୍ଷା କରାଯାଇଛି। ସକାଳ ୧୦ଟା ୩୪ ମିନିଟ୍ରେ ୩ନଂ ଉତକ୍ଷେପଣ କେନ୍ଦ୍ରରୁ ଏହି ପରୀକ୍ଷା କରାଯାଇଥିଲା। ଉତ୍କ୍ଷେପଣ ସମୟରେ ସ୍ଥିରିକୃତ କରାଯାଇଥିବା ସମସ୍ତ ଦିଗ, ଗତି, ଲକ୍ଷ୍ୟକୁ ସଠିକ ଭାବେ ଏହି କ୍ଷେପଣାସ୍ତ୍ର ଛୁଇଁଥିବା କୁହାଯାଇଛି। ଡ଼ିଫେନ୍ସ ରିସର୍ଚ୍ଚ ଆଣ୍ଡ ଡ଼େଭଲପମେଣ୍ଟ ଅର୍ଗାନାଇଜେସନ୍ ଓ ଭାରତ ଡ଼ାୟନାମିକ୍ ଲିମିଟେଡ଼ ଦ୍ବାରା ନିର୍ମାଣ କରାଯାଇଥିବା ଏମଆରସାମ କ୍ଷେପଣାସ୍ତ୍ରର ଲକ୍ଷ୍ୟଭେଦ କ୍ଷ୍ୟମତା ୨୫ରୁ ୩୦ କିଲୋମିଟର । ଏହା ବାୟୁମଣ୍ଡଳର ୧୨ କିଲୋମିଟର ଉପରେ ଶବ୍ଦର ଗତୀ ଠାରୁ ୪.୫ ଗୁଣ ଅଧିକ ବେଗରେ ଗତି କରିପାରିବ। ଏଥିରେ ଆଣବିକ ଯୁଦ୍ଧାସ୍ତ୍ର ବ୍ୟବହାର କରାଯାଇପାରିବ। କ୍ଷେପଣାସ୍ତ୍ରର ଓଜନ ୧୫୪ କିଲୋଗ୍ରାମ, ଲମ୍ବ ୩.୮୪ ମିଟର ଓ ମୋଟେଇ ୧୭୮ ମିଲିମିଟର। ଏଥିରେ ସ୍ବଦେଶୀ ଜ୍ଞାନକୌଶଳରେ ନିର୍ମିତ ସଲିଡ଼ ପ୍ରପୋଲାଣ୍ଟ ରକେଟ୍ ଇଞ୍ଜିନ୍ ବ୍ୟବହାର କରାଯାଇଛି। ଏହି ପରୀକ୍ଷା ପାଇଁ ଖଡ଼ୁପାହି, କୁସୁମୁଳିପାହି, ଭୀମପୁରପାହି, ତୁଣ୍ଡୁରାପାହି, ଜୟଦେବ କସବା ପାହି ଓ ସାହାଜା ନଗର ପାହିର ମୋଟ ୭ହଜାର ଲୋକଙ୍କୁ ଖଡ଼ୁପାହି ସ୍କୁଲ, ତୁଣ୍ଡୁରା ଓ ଜୟଦେବକସବାପାହି ବାତ୍ୟା ଆଶ୍ରୟ ସ୍ଥଳୀକୁ ସ୍ଥାନାନ୍ତର କରାଯାଇଛି। ଅନ୍ୟ ଏକ ପରୀକ୍ଷଣ କରିବାକୁ ଥିବା ଏହି ମିସାଇଲ ପାଇଁ ପ୍ରତିରକ୍ଷା ବିଭାଗ ଓ ଜିଲା ପ୍ରଶାସନ ଠାରୁ ୩୦ ତାରିଖ ପର୍ଯ୍ୟନ୍ତ ଏହି ଲୋକଙ୍କୁ ସ୍ଥାନାନ୍ତର କରାଯିବାକୁ ସ୍ଥିର କରାଯାଇଛି।
Comments are closed.