ବାଲେଶ୍ଵର : ନୀଳଗିରିର ବହୁ ଚର୍ଚ୍ଚିତ ନରେନ୍ଦ୍ର ସିଂହ ହତ୍ୟା ମାମଲାରେ ଶୁକ୍ରବାର ରାୟ ପ୍ରକାଶ ପାଇଛି। ଏହି ଘଟଣାର ମୁଖ୍ୟ ଅଭିଯୁକ୍ତ ତଥା ହତ୍ୟାକାରୀ ଆଶିଷ କୁମାର ଜେନାକୁ ଆଜୀବନ କାରାଦଣ୍ଡ ସହ ୧୦ ହଜାର ଟଙ୍କା ଜରିମାନା କରାଯାଇଛି। ଜରିମାନା ଅନାଦେୟ ହେଲେ ଆସାମୀକୁ ଅଧିକ ୪ ମାସ ଦଣ୍ଡ ଭୋଗିବାକୁ ପଡ଼ିବ ବୋଲି ରାୟରେ ଉଲ୍ଲେଖ କରାଯାଇଛି। ୨୪ ଜଣ ସାକ୍ଷୀ ଓ ୪୩ ଦସ୍ତାବିଜକୁ ଆଧାର କରି ଏସସି ଆଣ୍ଡ ଏସଟି ଅଦାଲତର ସ୍ୱତନ୍ତ୍ର ବିଚାରପତି ଲିଲିପ୍ତା ପଶାୟତ ଏହି ରାୟ ଶୁଣାଇଛନ୍ତି।
ସୂଚନାଯୋଗ୍ୟ ,ପୂର୍ବ ଶତ୍ରୁତାକୁ କେନ୍ଦ୍ର କରି ଆଶିଷ ନରେନ୍ଦ୍ରଙ୍କୁ ହତ୍ୟା କରିଥିବା ନରେନ୍ଦ୍ରଙ୍କ ଭାଇ ଚକ୍ରଧର ନିଲିଗିରି ଥାନାରେ ୨୦୧୭ ମସିହା ଅକ୍ଟୋବର ୧୦ ତାରିଖରେ ଅଭିଯୋଗ କରିଥିଲେ। ୨୪୮/୧୭ରେ ମାମଲା ରୁଜୁ କରି ପୁଲିସ ଆଶିଷକୁ ଗିରଫ କରିଥିଲା। ସେବେ ଠାରୁ ଏହି ମାମଲା ଏସସି ଆଣ୍ଡ ଏସଟି ଅଦାଲତରେ ବିଚାରାଧୀନ ଥିଲା। ସରକାରଙ୍କ ପକ୍ଷରୁ ବରିଷ୍ଠ ଆଇନଜୀବୀ ସୁଲଳିତ କର ମୋକଦମା ପରିଚାଳନା କରିଥିଲେ।
Comments are closed.