ବାଲେଶ୍ଵର: ଦୁର୍ଗା ପୂଜା ଛୁଟିରେ ବିଦ୍ୟାଳୟରୁ ଚୋରୀ ହୋଇଥିବା ଜିନିଷ ସିମୁଳିଆ ପୋଲିସ ଦ୍ଵାରା ଜବତ ହେବା ସହ ଜଣକୁ ଅଟକ ରଖି ତଦନ୍ତ ଜାରି ରଖିଛି। ସୁଚନାରୁ ପ୍ରକାଶ ବାଲେଶ୍ଵର ଜିଲ୍ଲା ସିମୁଳିଆ ଥାନା ରପେୟା ଉନ୍ନୀତ ଉଚ୍ଚ ବିଦ୍ୟାଳୟର ପ୍ରଧାନ ଶିକ୍ଷକଙ୍କ ଅଭିଯୋଗ ଅନୁଯାୟୀ ଦୁର୍ଗା ପୂଜାରେ ବିଦ୍ୟାଳୟ ଛୁଟି ଥିବା ବେଳେ ବିଦ୍ୟାଳୟରୁ ତାଲା ଭାଙ୍ଗି ଦୁର୍ବୁତ୍ତମାନେ ୭ଟି କମ୍ପ୍ୟୁଟର, ସିପିୟୁ, ପୋଜେକ୍ଟ ମେସିନ ସହିତ କିଛି ଖେଳ ସାମଗ୍ରୀ ଚୋରି ହୋଇଥିବାର ୧୩ ତାରିଖରେ ପ୍ରଧାନ ଶିକ୍ଷକ ଭବାନୀ ପ୍ରସାଦ ଦ୍ଵିବେଦୀ ସିମୁଳିଆ ଥାନାରେ ଅଭିଯୋଗ କରିଥିଲେ। କୌଣସି ବିଶେଷ ସୂତ୍ରରୁ ପୋଲିସ ଖବର ପାଇ ଉକ୍ତ ବିଦ୍ୟାଳୟରେ ପହଞ୍ଚି ତନାଘନା କରିଥିଲେ। ପରେ ୬ଜଣ ଛାତ୍ର ଚୋରି କରିଥିବା ଜାଣିବାକୁ ପାଇଥିଲେ। ଉକ୍ତ ୬ଜଣକୁ ସିମୁଳିଆ ପୋଲିସ ଥାନାକୁ ଆଣି ପଚରା ଉଚରା କରି ଛାଡି ଦେଇଥିବା ବେଳେ ଚୋରୀ ଘଟଣାର ମାଷ୍ଟର ମାଇଣ୍ଡ କୁସୁନପୁର ଗ୍ରାମର ଅଜୟ ଦାସଙ୍କୁ ପୋଲିସ ଅଟକ ରଖି ତଦନ୍ତ କରିଥିବା ଜଣାଯାଇଛି। ଅନ୍ୟପଟେ ଏହି ଘଟଣାରେ ପୋଲିସ ୩ଟି କମ୍ପ୍ୟୁଟର, ପ୍ରୋଜେକ୍ଟ ମେସିନ ଓ ଅନ୍ୟାନ୍ୟ ସାମଗ୍ରୀ ଜବତ କରିଥିବା ସୂଚନା ମିଳିଛି।
Popular Categories
Previous article
Next article