ରେଙ୍ଗାଲି: ସମ୍ବଲପୁର ଜିଲ୍ଲା ଠେଲକୋଲୋଇ ଥାନ ଅନ୍ତର୍ଗତ ଲପଙ୍ଗାରୁ ଏକ ବାଇକ ଚୋରି ଅଭିଯୋଗରେ ପୁଲିସ ୩ ନାବାଳକଙ୍କ ସମେତ ମୋଟ୍ ୪ ଜଣଙ୍କୁ ଗିରଫ କରି କୋର୍ଟଚାଲାଣ କରିଥିବା ଜଣାପଡିଛି।
ପ୍ରାପ୍ତ ସୂଚନା ଅନୁଯାୟୀ, ଗତ ଜୁଲାଇ ୧୫ ତାରିଖ ଦିନ ୩ ଜଣ ନାବାଳକ ଏକ ବୁଲେଟ ଚୋରି କରି ଝାରସୁଗୁଡା ସାହାପଡାର ଗିରିଜା ଶଙ୍କର ସାହାଙ୍କୁ ବିକ୍ରି କରିଥିଲେ। ଠେଲକୋଲୋଇ ପୁଲିସ ଏକ ଚୋରି ମାମଲା ରୁଜୁ କରି ତଦନ୍ତ ଜାରି ରଖିଥିଲା। ଶନିବାର ପୁଲିସ ସାହାପଡାରୁ ଚୋରି ବାଇକ ଉଦ୍ଧାର କରିବା ସହ ବାଇକ୍ କିଣିଥିବା ଗିରିଜା ଶଙ୍କର ସାହାଙ୍କୁ କୋର୍ଟଚାଲାଣ କରିଥିବା ବେଳେ ୩ ନାବାଳକ ଅଭିଯୁକ୍ତଙ୍କୁ କିଶୋର ନ୍ୟାୟାଳୟ ବୋର୍ଡରେ ହାଜର କରାଯାଇଥିଲା।
ଗିରିଜା ଶଙ୍କରଙ୍କ ଜାମିନ ନାମଞ୍ଜୁର ହେବାରୁ ତାଙ୍କୁ ଜେଲ୍ ହାଜତକୁ ପଠାଇ ଦିଆଯାଇଛି ଏବଂ ଅଭିଯୁକ୍ତ ୩ ନାବାଳକଙ୍କୁ ବାଳସୁଧାର ଗୃହକୁ ପଠାଯାଇଥିବା ଜଣାପଡିଛି।
Comments are closed.