ବଲାଙ୍ଗିର : ବଲାଙ୍ଗିର ଜିଲା ସଦର ବ୍ଲକ ତଥା ଲୋଇସିଂହା ଥାନା ଅନ୍ତର୍ଗତ ମନହୀରା ଗାଁରେ ସାପ କାମୁଡାରେ ଜଣେ ୭ ବର୍ଷ ଶିଶୁପୁତ୍ରର ମୃତ୍ୟୁ ହୋଇଛି। ମୃତକ ଗାଁର ଦାଶରଥି ବାଗଙ୍କ ଏକମାତ୍ର ପୁଅ ସାହିଲ। ସୂଚନା ଅନୁସାରେ ସୋମବାର ରାତିରେ ସାହିଲ୍ ବାପା-ମାଆ ଓ ଭଉଣୀଙ୍କ ସହ ଶୋଇଥିଲେ। ବିଳମ୍ୱିତ ରାତିରେ ତାଙ୍କ ହାତରେ କୌଣସି ବିଷଧର ସାପ କାମୁଡିଥିଲା। କିଛି ସମୟ ପରେ ସାହିଲଙ୍କ ପେଟ ଦରଜ ସହ ବାନ୍ତି କରିଥିଲେ। ପରିବାର ଲୋକେ ରାତି ୧ଟା ୪୦ରେ ବଲାଙ୍ଗିର ଭୀମଭୋଇ ଡାକ୍ତରଖାନାରେ ଭର୍ତ୍ତି କରିଥିଲେ। ଡାକ୍ତର ସାହିଲଙ୍କ ସ୍ବାସ୍ଥ୍ୟ ପରୀକ୍ଷା କରି ତାଙ୍କୁ ମୃତ ଘୋଷଣା କରିଥିଲେ। ସାହିଲ ଗାଁ ସ୍ଥିତ ସରସ୍ଵତୀ ଶିଶୁ ମନ୍ଦିରରେ ପ୍ରଥମ ଶ୍ରେଣୀରେ ପଢ଼ୁଥିଲେ।
Popular Categories
Previous article
Next article