ବଳଙ୍ଗା: ପୁରୀ ଜିଲା ବଳଙ୍ଗା ବର୍ବରତାକୁ ବିତିଛି ୯୬ ଘଣ୍ଟା; କିନ୍ତୁ ତଦନ୍ତ ଆଗକୁ ବଢ଼ୁନି। ଦିନ ଗଡୁଥିବାରୁ ନୂଆ ନୂଆ ଚିତ୍ର ଓ ଚରିତ୍ର ସାମ୍ନାକୁ ଆସୁଛନ୍ତି। ପୀଡ଼ିତା ମୃତ୍ୟୁ ସହ ଲଢ଼ୁଥିବାବେଳେ ତଦନ୍ତ ଖିଅ ଯୋଗାଡ଼ କରିପାରୁନି ପୁଲିସ। ସକାଳୁ ରାତି ପର୍ଯ୍ୟନ୍ତ ଗାଁରେ ପୁଲିସର ବିଭିନ୍ନ ତତନ୍ତକାରୀ ଦଳ ଡେରା ପକାଇଛନ୍ତି। ୫୦ରୁ ଅଧିକ ବ୍ୟକ୍ତିଙ୍କୁ ପଚରାଉଚରା, ସନ୍ଧାନୀ କୁକୁରକୁ ନେଇ ଯାଞ୍ଚ ପରେ ବି ଘଟଣାରୁ ପରଦା ହଟୁନି। ପୀଡ଼ିତାଙ୍କ ଦେହରେ ନିଆଁ ଲଗାଇଥିବା ବ୍ୟକ୍ତିଙ୍କୁ ଠାବ କରିପାରୁନି କ୍ରାଇମ୍ବ୍ରାଞ୍ଚ ଓ ପୁରୀ ପୁଲିସ। ଘଟଣା ସମ୍ବେଦନଶୀଳ ଥିବାରୁ କ୍ରାଇମ୍ବ୍ରାଞ୍ଚର ୫ ଜଣିଆ ଦଳ ବଳଙ୍ଗାକୁ ପରିଦର୍ଶନ କରି ତଦନ୍ତ ଜାରି ରଖିଛନ୍ତି। ଗୁଇନ୍ଦା ବିଭାଗର ସ୍ୱତନ୍ତ୍ର ଦଳ ଘଟଣା ଉପରେ କଡ଼ା ନଜର ରଖିଛି। ସେପଟେ ଛାତିଥରା ଘଟଣା ପରେ ରାତି ହେଲେ ଏବେ ପୀଡ଼ିତାଙ୍କ ଗାଁ ଶୂନ୍ଶାନ ହୋଇଯାଉଛି। ଘରୁ ଏକୁଟିଆ ବାହାରୁ ନାହାନ୍ତି ଓ ଭୟରେ ଲୋକେ ଶିକ୍ଷାନୁଷ୍ଠାନକୁ ଏକୁଟିଆ ନିଜ ପିଲାଙ୍କୁ ଆଉ ଛାଡୁନାହାନ୍ତି।
Popular Categories
Previous article
Next article