ବଡ଼ସାହି : ଶନିବାର ସନ୍ଧ୍ୟାରେ ପ୍ରତାପପୁର ରାସ୍ତାରେ ଏକ ଟ୍ରାକ୍ଟର (ନଂ ଓଡ଼ି୧୧ଏମ୍ ୪୩୬୮)ରୁ ଖସି ପଡ଼ିବା ଫଳରେ ଜଣେ ଶ୍ରମିକର ଘଟଣା ସ୍ଥଳରେ ମୃତ୍ୟୁ ହୋଇଥିବା ଜଣାପଡିଛି। ମୃତକ ଜଣଙ୍କ ହେଲେ ଡ଼ାହିସାହି ଗ୍ରାମର ବାବୁଲା ମୁର୍ମୁଙ୍କ ପୁଅ ଲାଲମୋହନ(୨୨)। ଖବରଅନୁସାରେ ଏକ ଟ୍ରାକ୍ଟର ବଡ଼ସାହିର ଫ୍ଲାଏଆସ୍ ରୁ ଇଟା ନେଇ ଯାଇଥିଲା। ଅନଲୋଡ଼ କରି ଫେରିବା ରାସ୍ତାରେ ଏହି ଅଘଟଣ ଘଟିଥିଲା। ଶ୍ରମିକ ଜଣଙ୍କ ଇଞ୍ଜିନ ଓ ଟ୍ରଲି ମଝିରେ ବସିଥିବା ବେଳେ ଭାରସାମ୍ୟ ହରାଇ ତଳେ ପଡ଼ିଯାଇଥିଲେ। ପଡିଯିବାଫଳରେ ତାଙ୍କ ଉପରେ ଟ୍ରାକ୍ଟର ଚକା ମାଡ଼ିଯାଇଥିଲା। ବଡ଼ସାହି ଦମକଳ ବାହିନୀ ଚେତାଶୂନ୍ୟ ଅବସ୍ଥାରେ ତାଙ୍କୁ ଉଦ୍ଧାର କରି ସ୍ଥାନୀୟ ଡ଼ାକ୍ତରଖାନାକୁ ଆଣିଥିଲେ ହେଁ ଡ଼ାକ୍ତର ତାଙ୍କୁ ମୃତ ଘୋଷଣା କରିଥିଲେ। ବଡ଼ସାହି ପୁଲିସ୍ ଟ୍ରାକ୍ଟରଟିକୁ ଜବତ କରିବାସହ ଏନେଇ ଏକ ମାମଲା ରୁଜୁ କରି ତଦନ୍ତ ଚଳାଇଛି।
