ବଡ଼ସାହି : ମଙ୍ଗଳବାର ରାତି ପ୍ରାୟ ୧୦ଟା ପାଖାପାଖି ସମୟରେ ଚୁଙ୍ଗି ନିଆଁରୁ ଅଗ୍ନିକାଣ୍ଡ ଘଟି ବଡ଼ସାହି ନିକଟ ତାଳପଦା କଲେଜସାହିରେ ଅଗ୍ନିକାଣ୍ଡ ଘଟିଛି। ସାହିର କାଲା ସିଂଙ୍କ ଘର ଜଳି ଯାଇଥିବା ବେଳେ ତାଙ୍କ ପତ୍ନୀ(୨୯) ଗୁରୁତର ଆହାତ ହୋଇଛନ୍ତି। ତାଙ୍କ ଶରୀରର ୫୦ପ୍ରତିଶତ ଅଂଶ ପୋଡ଼ି ଯାଇଛି। ତାଙ୍କୁ ପ୍ରଥମେ ବଡ଼ସାହି ପରେ ବାରିପଦା ଡ଼ାକ୍ତରଖାନାକୁ ସ୍ଥାନାନ୍ତର କରାଯାଇଛି। ଖବର ପାଇ ବଡ଼ସାହି ଦମକଳ ବାହିନୀ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଛନ୍ତି। କାଲା ସିଂଙ୍କର ଘରେ ଥିବା ସମସ୍ତ ଆସବାବପତ୍ର, ଧାନଚାଉଳ, ନଗଦ ଟଙ୍କା ଓ ପୋଷାକପତ୍ର ପୋଡ଼ି ପାଉଁଶ ହୋଇଯାଇଛି। ଘରେ ସମସ୍ତେ ଶୋଇ ପଡ଼ିଥିବା ବେଳେ ଏହି ଅଗ୍ନିକାଣ୍ଡ ଘଟିଥିଲା।
Popular Categories
Previous article
Next article