ବଡ଼ସାହି : ଚାରିଆଡ଼େ କୋରନାର ଭୟ। ସରକାରଙ୍କ ଠାରୁ ଆରମ୍ଭ କରି ବିଭିନ୍ନ ସଙ୍ଗଠନ ଓ ଗଣମାଧ୍ୟମ ମଧ୍ୟ ଲୋକଙ୍କୁ ସଚେତନ କରୁଛନ୍ତି। କାରଣ କୋରନାର ପ୍ରତିଷେଧକ ଔଷଧ ନ ଥିବା ବେଳେ ସଚେତନତା ହିଁ ଏହି ରୋଗକୁ ସଂକ୍ରମଣରୁ ରକ୍ଷା କରିପାରିବ। ମୟୁରଭଞ୍ଜ ଜିଲା ବଡ଼ସାହି ବ୍ଲକ ମାଣତ୍ରୀ ବଜାରରେ ଜଣେ ମହିଳା ଚା’ ଦୋକାନୀ ଏବେ ସଚେତନତାର ବାର୍ତ୍ତା ବାଣ୍ଟି ପ୍ରଶଂସା ସାଉଁଟୁଛନ୍ତି। ଉକ୍ତ ମହିଳା ଜଣଙ୍କ ହେଉଛନ୍ତି ଶାନ୍ତିଲତା ବାରିକ, ବୟସ ୪୦ବର୍ଷ। ବାହା ହୋଇ ଆସିବାର ୨୦ବର୍ଷ ବୟସରୁ ଆତ୍ମ ନିର୍ଭରଶୀଳ। ମାଣତ୍ରୀ ବଜାରର ହସ୍ପିଟାଲ ରୋଡ଼ ପାର୍ଶ୍ବରେ ତାଙ୍କର ଦୋକାନ। ଅମାୟିକ ବ୍ୟବହାର ପାଇଁ ସକାଳ ସନ୍ଧ୍ୟାରେ ତାଙ୍କ ଦୋକାନରେ ଭିଡ଼ ଜମେ। କାଁ ଭାଁ ସଚେତନ ଲୋକଙ୍କୁ ଛାଡ଼ି ଦେଳେ ଗ୍ରାମାଞ୍ଚଳ ଦୋକାନ ପାଇଁ ପ୍ରାୟତଃ ଗ୍ରାହକ କାଚ ଗ୍ଲାସରେ ଚା’ ପିଇଥାନ୍ତି। ତେବେ କୋରନାର ଭୂତାଣୁ ସଂକ୍ରମଣ ପ୍ରକ୍ରିୟା ଜାଣିବା ପରେ ଶାନ୍ତିଲତା ଦୋକାନରେ କାଚ ଗ୍ଲାସ ବ୍ୟବହାରକୁ ବନ୍ଦ କରିଦେଇଛନ୍ତି। ଗ୍ଳାସ ଧୋଇବା ପରେ ପୁନଃବ୍ୟବହାର ହୋଇଥାଏ। ତେବେ କୌଣସି ସଂକ୍ରମିତ ବ୍ୟକ୍ତି ଗ୍ଳାସରେ ଚା’ ପିଇଲେ, ତାହା ବାକି ଗ୍ରାହକଙ୍କୁ ବ୍ୟାପିବା ଆଶଙ୍କା ଥିବାରୁ ସେ ଏପରି ନିଷ୍ପତ୍ତି ନେଇଛନ୍ତି ବୋଲି କହନ୍ତି। କାଚ ଗ୍ଲାସ ପ୍ରତି ବଦଳରେ କାଗଜ କପରେ ସେ ଚା’ ବିକ୍ରି କରୁଛନ୍ତି ଓ ତାହା ପାଇଁ ମଧ୍ୟ ହେଉଥିବା ଅତିରିକ୍ତ ଖର୍ଚ୍ଚ ସେ ନିଜେ ବହନ କରୁଥିବା କହିଛନ୍ତି। ଏହା ଦ୍ୱାରା ଗ୍ରାମାଞ୍ଚଳରେ ସେ ସଚେତନତା ବାର୍ତ୍ତା ବାଣ୍ଟି ଅନେକଙ୍କର ପ୍ରଶଂସା ସାଉଁଟୁଛନ୍ତି। ଗ୍ରାମାଞ୍ଚଳରେ କୋରନା ଭୂତାଣୁ ବ୍ୟାପିବାର ଦୋକାନରେ ବ୍ୟବହୃତ ଚା’ ଗ୍ଲାସ ଏକ ମାଧ୍ୟମ ହୋଇଥିବାରୁ ଶାନ୍ତିଲତାଙ୍କ ସଚେତନତା ବାର୍ତ୍ତା ପରି ସରକାର ସମସ୍ତଙ୍କୁ ସଚେତନ କରିବା ଜରୁରୀ ବୋଲି ମତ ପ୍ରକାଶ ପାଉଛି।
Popular Categories
Previous article
Next article