ପାତ୍ରପୁର: ଗଞ୍ଜାମ ଜିଲା ସୁରଙ୍ଗି ଜବାହର ନବୋଦୟ ବିଦ୍ୟାଳୟ ଜାତୀୟ ସେବା ସଂସ୍ଥା ପକ୍ଷରୁ ଜଙ୍ଗଲ ନିଆଁ ରୋକିବା ନିମନ୍ତେ ସଚେତନତା ପଦଯାତ୍ରା ଅନୁଷ୍ଠିତ ହୋଇଯାଇଛି। ସେବା ସଂସ୍ଥାର ଏହି କାର୍ଯ୍ୟକ୍ରମରେ ବିଦ୍ୟାଳୟର ଛାତ୍ରଛାତ୍ରୀ ଯୋଗଦେଇ ନିକଟ ଷୋଳଭାଗ ପେଣ୍ଟ ଗ୍ରାମକୁ ଚାଲି ଚାଲି ଯାଇ ସଚେତନତା ସୃଷ୍ଟି କରିଥିଲେ। ପିଲାମାନେ ଜଙ୍ଗଲ ସୁରକ୍ଷା ଉପରେ ଲିଖିତ ପ୍ଲାକାର୍ଡ଼ ଧରି ସୁରକ୍ଷା ନାରା ଦେବା ସହ ଗ୍ରୀଷ୍ମଋତୁରେ ଜଙ୍ଗଲ ନିଆଁ କିଭଳି ରୋକା ଯାଇପାରିବ ସେହି ସମ୍ପର୍କରେ ଲୋକମାନଙ୍କୁ ବୁଝାଇ ଥିଲେ। କାର୍ଯ୍ୟକ୍ରମରେ ବିଦ୍ୟାଳୟର ଅଧ୍ୟକ୍ଷା କବିତା କର, ସେବା ସଂସ୍ଥା ଅଧିକାରୀ ଗଦାଧର ମହାପାତ୍ର, ଖୁସବୁ ଶର୍ମା, ରୀତିକା ମୁଖାର୍ଜୀ ଏବଂ ବିଶ୍ଵନାଥ ମେହେର ପ୍ରମୁଖ ସାମିଲ ଥିଲେ।
Comments are closed.