ନୂଆଦିଲ୍ଲୀ : କେନ୍ଦ୍ରୀୟ ଲୋକସଭା ଆୟୋଗ (ୟୁପିଏସସି) ପରିଚାଳିତ ସିଭିଲ୍ ସର୍ଭିସ ପରୀକ୍ଷା ୨୦୧୦ର ଟପ୍ପର ତଥା ଜାମ୍ମୁ କାଶ୍ମୀର ଆଇଏଏସ୍ ଅଧିକାରୀ ଶାହ ଫୈଜଲ ବୁଧବାର ନିଜ ପଦରୁ ଇସ୍ତଫା ଦେଇଛନ୍ତି। କାଶ୍ମୀରରେ କଥିତ ହତ୍ୟାକାଣ୍ଡ ଏହାର ସାମାଧାନ କ୍ଷେତ୍ରରେ କେନ୍ଦ୍ର ସରକାରଙ୍କ ବୈମାତୃକ ମନୋଭାବ ଯୋଗୁଁ ଫୈଜଲ ନିଜ ପଦରୁ ଇସ୍ତଫା ଦେଇଥିବା କହିଛନ୍ତି। କୁହାଯାଉଛି ସେ ଆଗାମୀ ଲୋକସଭା ନିର୍ବାଚନରେ ବାରମୂଲାରୁ ପ୍ରାର୍ଥୀ ହେବେ। ୩୫ ବର୍ଷିୟ ଫୈଜଲ ନିଜ ନିଷ୍ପତ୍ତି ନେଇ ଫେସ୍ବୁକ୍ରେ ଏକ ପୋଷ୍ଟ କରିଥିଲେ। ସେ ସେଥିରେ ଲେଖିଛନ୍ତି ଯେ ଜାମ୍ମୁ କାଶ୍ମୀର ରାଜ୍ୟର ସ୍ୱତନ୍ତ୍ର ମାନ୍ୟତା ଉପରେ କପଟତାପୂର୍ଣ୍ଣ ଆକ୍ରମଣ ତଥା ଭାରତରେ ଅତିରାଷ୍ଟ୍ରବାଦ ନାମରେ ଅସହିଷ୍ଣୁତା ଏବଂ ଘୃଣାକୁ ବିରୋଧ କରି ସେ ନିଜ ପଦରୁ ଇସ୍ତଫା ଦେଇଛନ୍ତି। ମୋଦୀ ସରକାରଙ୍କ ନାମ ନନେଇ ଫୈଜଲ ଲେଖିଛନ୍ତି ଯେ ଦେଶର ଆରବିଆଇ, ସିବିଆଇ ଏବଂ ଏନ୍ଆଇଏ ଭଳି ସରକାରୀ ସଂସ୍ଥାଗୁଡ଼ିକୁ ନଷ୍ଟ କରାଯାଉଛି। ଏହାଦ୍ୱାରା ଦେଶର ସମ୍ବିଧାନ ଢାଞ୍ଚା ଦୋହଲିଯିବ ଓ ଏହାକୁ ତୁରନ୍ତ ବନ୍ଦ କରାଯିବା ଆବଶ୍ୟକ।
ଅପରପକ୍ଷରେ ଫୈଜଲଙ୍କ ଇସ୍ତଫା ଏବଂ ଟିପ୍ପଣୀକୁ ରାଜନୈତିକ ପ୍ରଣୋଦିତ ବୋଲି କୁହାଯାଉଛି। ଲୋକସଭା ନିର୍ବାଚନରେ ପ୍ରାର୍ଥୀ ହେବାକୁ ଯାଉଥିବାରୁ ଏବେଠାରୁ ସେ ରାଜନୀତି କରୁଛନ୍ତି ବୋଲି କୁହାଯାଉଛି।
