୧୮ଟି ଗୁରୁତ୍ୱପୂର୍ଣ୍ଣ ଖଣିଜ ବ୍ଲକର ନିଲାମ ଆରମ୍ଭ କଲେ ସରକାର
![](https://samajalive.in/wp-content/uploads/2024/03/Prahlad-Joshi-750x430.jpg)
ଡେସ୍କ: ୨୦୩୦ ସୁଦ୍ଧା ଅଣ-ଜୀବାଶ୍ମ ଉତ୍ସରୁ ୫୦ ପ୍ରତିଶତ ବିଦ୍ୟୁତ ଶକ୍ତି ଉତ୍ପାଦନ କରିବାକୁ ଦେଶର ଆବଶ୍ୟକତା ଅନୁଯାୟୀ ଭାରତ ପ୍ରାୟ ୩୦ ଲକ୍ଷ କୋଟି ଟଙ୍କାର ୧୮ଟି ଗୁରୁତ୍ୱପୂର୍ଣ୍ଣ ଏବଂ ରଣନୈତିକ ଖଣିଜ ବ୍ଲକର ନିଲାମ ଆରମ୍ଭ କରିଛି। ନୂଆଦିଲ୍ଲୀରେ ଖଣି ନିଲାମର ଦ୍ଵିତୀୟ ପର୍ଯ୍ୟାୟର ଶୁଭାରମ୍ଭ କରିବା ଅବସରରେ କୋଇଲା ଓ ଖଣି ମନ୍ତ୍ରୀ ପ୍ରହ୍ଲାଦ ଯୋଶୀ କହିଛନ୍ତି ଯେ ସରକାରଙ୍କ ପ୍ରୟାସ ବିଶ୍ୱସ୍ତରୀୟ ସ୍ଥାୟୀତା ଲକ୍ଷ୍ୟ ସହିତ ଯୋଡ଼ି ହୋଇ ଗୁରୁତ୍ବପୂର୍ଣ୍ଣ ଖଣିଜ ପଦାର୍ଥର ଦାୟିତ୍ବପୂର୍ଣ୍ଣ ଅନୁସନ୍ଧାନ ଏବଂ ଉତ୍ତୋଳନ ଉପରେ ଗୁରୁତ୍ୱାରୋପ କରୁଛି। ଅକ୍ଷୟ ଶକ୍ତି, ପ୍ରତିରକ୍ଷା, ଔଷଧ ଏବଂ ହାଇଟେକ୍ ଇଲେକ୍ଟ୍ରୋନିକ୍ସ ଭଳି କ୍ଷେତ୍ର ପାଇଁ ଏହି ଖଣିଜ ପଦାର୍ଥ ଗୁରୁତ୍ୱପୂର୍ଣ୍ଣ।
ବ୍ୟାଙ୍କିଙ୍ଗ ବ୍ୟବସ୍ଥାକୁ ଫେରିଲା ୯୭.୬୨% ଦୁଇ ହଜାର ଟଙ୍କିଆ ନୋଟ – ରିଜର୍ଭ ବ୍ୟାଙ୍କ
ଏହି ନିଲାମ ପ୍ରକ୍ରିୟାରେ ଟେଣ୍ଡର ଦସ୍ତାବିଜ ବିକ୍ରି କରାଯିବା ପରେ ଦୁଇ ପର୍ଯ୍ୟାୟ ଆରୋହିଂ ଫରୱାର୍ଡ ନିଲାମ ମାଧ୍ୟମରେ ଅନଲାଇନ୍ ବିଡିଂ କରାଯିବ। ୨୦୨୩ରେ ଏମଏମଡିଆର ଆଇନରେ ସଂଶୋଧନ କରି ୨୪ଟି ଖଣିଜ ପଦାର୍ଥକୁ ଗୁରୁତ୍ୱପୂର୍ଣ୍ଣ ଏବଂ ରଣନୈତିକ ଭାବରେ ଚିହ୍ନଟ କରାଯାଇଥିଲା, ଯାହା ଦ୍ୱାରା କେନ୍ଦ୍ର ସରକାରଙ୍କୁ ଖଣିଜ ରିହାତି ପ୍ରଦାନ କରିବାର କ୍ଷମତା ଦିଆଯାଇଥିଲା। ଖଣି କ୍ଷେତ୍ରରେ ଷ୍ଟାର୍ଟଅପ୍ ଏବଂ ଏମଏସଏମଇରେ ଗବେଷଣା ଏବଂ ନବସୃଜନ ପାଇଁ ପାଣ୍ଠି ଯୋଗାଇବା ପାଇଁ ଖଣି ମନ୍ତ୍ରଣାଳୟ ଏହାର ବିଜ୍ଞାନ ଏବଂ ପ୍ରଯୁକ୍ତି ବିଦ୍ୟା କାର୍ଯ୍ୟକ୍ରମର ସମ୍ପ୍ରସାରଣ ବିଷୟରେ ମଧ୍ୟ ଶ୍ରୀ ଯୋଶୀ ଘୋଷଣା କରିଥିଲେ। ଏହାଛଡା ଶୃଙ୍ଖଳିତ ପ୍ରକ୍ରିୟା ମାଧ୍ୟମରେ ଚୟନ ହୋଇଥିବା ୫ଟି ଷ୍ଟାର୍ଟଅପକୁ ୭ କୋଟି ଟଙ୍କାର ଆର୍ଥିକ ଅନୁଦାନ ପ୍ରଦାନ କରାଯାଇଥିଲା।
ଦେଶର ସ୍ୱଚ୍ଛ ଶକ୍ତି ଏଜେଣ୍ଡାକୁ ଆଗକୁ ବଢ଼ାଇବା ପାଇଁ ଗତ ବର୍ଷ ନଭେମ୍ବରରେ ପ୍ରଥମ ପର୍ଯ୍ୟାୟ ନିଲାମ ଆରମ୍ଭ ହୋଇଥିଲା। ସଂସଦରେ ସରକାର ପରବର୍ତ୍ତୀ କାର୍ଯ୍ୟକାଳ ହାସଲ କରିବା ପରେ ତୃତୀୟ କିସ୍ତି ପାଇଁ ଯୋଜନା ଘୋଷଣା କରିଥିବା ଶ୍ରୀ ଯୋଶୀ କହିଛନ୍ତି।
Comments are closed.