ସମାଜ ଡିଜିଟାଲ ଡେସ୍କ: ବାଂଲାଦେଶରେ ବେଆଇନ ଭାବେ ଗିରଫ ହୋଇଥିବା ହିନ୍ଦୁ ସାଧୁ ଚିନ୍ମୟ କ୍ରିଷ୍ଣା ଦାସଙ୍କ ବିରୋଧରେ ହତ୍ୟା ଉଦ୍ୟମ ମାମଲା ରୁଜୁ କରିଛି ଚିଟ୍ଟାଗଙ୍ଗ ପୁଲିସ। ବର୍ତ୍ତମାନ ସେ ଜେଲରେ ବନ୍ଦୀ ରହିଛନ୍ତି। ପୂର୍ବରୁ ଚିନ୍ମୟ ଦାସ ଏବଂ ତାଙ୍କର ହଜାର ହଜାର ଅନୁଗାମୀଙ୍କ ବିରୋଧରେ ଦେଶଦ୍ରୋହ ମାମଲା ରୁଜୁ କରାଯାଇ ସେମାନଙ୍କୁ ଗିରଫ କରାଯାଇଥିଲା। ଆସନ୍ତା ଜାନୁୟାରୀ ୨ ତାରିଖରେ ଦାସଙ୍କ ଜାମିନ ଆବେଦନର ଶୁଣାଣି କରାଯିବ। ଦାସଙ୍କ ମାମଲାର ଶୁଣାଣି ପାଇଁ ଓକିଲ ମିଳୁ ନ ଥିବାରୁ ତାଙ୍କ ଜାମିନ ଆବେଦନର ଶୁଣାଣି ବିଳମ୍ବ ହେଉଛି। ଅନ୍ୟପଟେ କୌଣସି ହିନ୍ଦୁ ଓକିଲ ଯେପରି ଦାସଙ୍କ ମାମଲାର ଶୁଣାଣିରେ ସାମିଲ ନ ହେବେ ସେଥିଲାଗି ୭୦ ହିନ୍ଦୁ ଓକିଲଙ୍କୁ ମିଥ୍ୟା ମାମଲାରେ ଫସାଇ ଗିରଫ କରାଯାଇଛି।
Comments are closed.