ଫ୍ଲୋରିଡ଼ା: ଫ୍ଲୋରିଡା ରାଜଧାନୀ ତାଲାହାସିଠାରେ ଏକ ଯୋଗ ଶିବିର ଉପରେ ଜଣେ ଆତତାୟୀ ଆଖିବୁଜା ଗୁଳି ଚାଳନା କରିଛି। ଏଥିରେ ୨ ଜଣଙ୍କ ମୃତ୍ୟୁ ଘଟିଥିବା ବେଳେ ୭ ଜଣରୁ ଊଦ୍ଧ୍ୱର୍ ଆହତ ହୋଇଥିବା ସୂଚନା ମିଳଛି। ଲୋକଙ୍କୁ ହତ୍ୟା କରିବା ପରେ ଆତତାୟୀ ଆତ୍ମହତ୍ୟା କରିଛି।
ପୁଲିସ ସୂଚନା ଅନୁଯାୟୀ, ଶୁକ୍ରବାର ଭୋର ୫ଟା ୪୭ ମିନିଟରେ ଆତତାୟୀ ଆକ୍ରମଣ ହୋଇଥିବା ପୁଲିସ ଷ୍ଟେସନ୍କୁ ସୂଚନା ମିଳିଥିଲା। ପୁଲିସ ଘଟଣା ସ୍ଥଳକୁ ଯିବା ପରେ ମୃତାହତଙ୍କୁ ଉଦ୍ଧାର କରାଯାଇଥିଲା। ଆତତାୟୀ ଗୁଳିରେ ଦୁଇ ଜଣଙ୍କ ମୃତ ଶରୀର ଯୋଗ ଶିବିରରେ ପଡ଼ିଥିବା ଦେଖାଯାଇଥିଲା। ପ୍ରାଥମିକ ପର୍ଯ୍ୟାୟରେ ୫ ଜଣଙ୍କୁ ଓ ଦ୍ୱିତୀୟ ପର୍ଯ୍ୟାୟରେ ଆଉ ୨ ଜଣଙ୍କୁ ଉଦ୍ଧାର କରି ସ୍ଥାନୀୟ ଡାକ୍ତରଖାନାକୁ ପଠାଯାଇଛି। ସେଠାରେ ଆହୁରି କିଛି ଆହତ ଥିବା ଜଣାପଡ଼ିଛି। ଘଟଣାର ପାରିପାଶ୍ୱିର୍କ ସ୍ଥିତିକୁ ଦେଖିବା ପରେ ଆତତାୟୀ ସହିତ ଯୋଗଶିବିରରେ ଥିବା ଲୋକମାନେ ଆତ୍ମରକ୍ଷା ପାଇଁ ସଂଘର୍ଷ ହୋଇଥିବା ଅନୁମାନ କରାଯାଉଛି।
