ମୁମ୍ବଇ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଶୁକ୍ରବାର ଅଟଳ ବିହାରୀ ବାଜପେୟୀ ସେଓ୍ବାରୀ-ନାଭା ସେବା ଅଟଳ ସେତୁ ଲୋକାର୍ପଣ କରିଛନ୍ତି। ୧୭ହଜାର ୮୪୦ କୋଟି ଟଙ୍କା ବ୍ୟୟରେ ନିର୍ମିତ ଏହି ସେତୁ ମୁମ୍ବଇକୁ ନଭି ମୁମ୍ବଇ ସହ ଯୋଡ଼ିବ। ଏହି ୨୧.୮ କିଲୋମିଟର ଦୀର୍ଘ ଓ ୬ ଲେନ୍ ବିଶିଷ୍ଟ ସେତୁ ସମୁଦ୍ର ଉପରେ ୧୬.୫ କିଲୋମିଟର ରହିଥିବା ବେଳେ ସ୍ଥଳପଥରେ ୫.୫ କିଲୋମିଟର ରହିଛି। ଏହା ଦେଶର ସବୁଠାରୁ ଲମ୍ବା ସେତୁ। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ୨୦୧୬ ଡିସେମ୍ବର ମାସରେ ଏହି ସେତୁର ଶିଳାନ୍ୟାସ କରିଥିଲେ।
ଏକ ଆକଳନ ଅନୁଯାୟୀ, ଏହି ସେତୁରେ ଦୈନିକ ପ୍ରାୟ ୭୦ ହଜାର ଲୋକ ଯାତାୟତ କରିବେ। ଏଠାରେ ୪୦୦ କ୍ୟାମେରା ଲାଗିବା ସହ ଟ୍ରାଫିକ୍ ଚାପ ବିଷୟରେ ସୂଚନା ସଂଗ୍ରହ କରିବାକୁ ଏଆଇ ଆଧାରିତ ସେନ୍ସର ଲାଗିଛି। ଏହାଦ୍ବାରା ମୁମ୍ବଇରୁ ପୁଣେ, ଗୋଆ ଓ ଦକ୍ଷିଣ ଭାରତର ଯାତ୍ରା ସମୟ ମଧ୍ୟ ହ୍ରାସ ପାଇବ।
Comments are closed.