ଇସଲାମାବାଦ .- ଇସଲାମ ଧର୍ମ ବିରୋଧି ମନ୍ତବ୍ୟ ଦେଇଥିବା ଅଭିଯୋଗରେ ପାକିସ୍ତାନରେ ୪ଟି ସନ୍ତାନଙ୍କର ମାଆ ୪୭ ବର୍ଷୀୟ ଆସିଆ ବିବିଙ୍କୁ ୨୦୧୦ ମସିହାରେ ଏକ ଅଦାଲତ ଦୋଷୀ ସାବ୍ୟସ୍ତ କରିଥିଲେ । ଆସଆ ବିବି ଖ୍ରୀଷ୍ଟିଆନ । ପାଣିପାତ୍ରକୁ ଛୁଇଁବାକୁ ନେଇ ଏକ ବିବାଦରେ କିଛି ମହିଳା ସେ ଇସଲାମ ଧର୍ମବିରୋଧି ମନ୍ତବ୍ୟ ଦେଇଥିବା ଅଭିଯୋଗ କରିଥିଲେ । ଏଥିପାଇଁ ପାକିସ୍ତାନରେ ମୃତ୍ୟୁଦଣ୍ଡର ପ୍ରାବାଧାନ ରହିଛି । ମାତ୍ର ଗତ ସପ୍ତାହରେ ପାକିସ୍ତାନ ସୁପ୍ରିମକୋର୍ଟ ଆସିଆଙ୍କୁ ଦୋଷ ମୁକ୍ତି କରିଛନ୍ତି । ଏହାପରେ ଆସିଆଙ୍କୁ ଏକ ଅଜ୍ଞାତ ସ୍ଥାନରେ ରଖାଯାଇଛି । ତାଙ୍କ ଜୀବନ ପ୍ରତି ବିପଦ ଥିବାରୁ ତାଙ୍କ ସହ ମହିଳା କମାଣ୍ଡୋ ରହିଛନ୍ତି । ଏବେ ଆସିଆଙ୍କୁ ନ୍ୟାୟ ଦେବା ପାଇଁ ଅଦାଲତରେ ତାଙ୍କ ପାଇଁ ଲଢୁଥିବା ଆଇନଜୀବୀ ସୈଫୁଲ ମୁଲକ ବି ଭୟରେ ପାକିସ୍ତାନ ଛାଡିଛନ୍ତି । ତାଙ୍କୁ ତାଙ୍କର ପେଶାର କିଛି ଆଇନଜୀବୀ ଜୀବନରେ ମାରି ଦେବାକୁ ଧମକ ଦେଉଥିବ ସେ ଅଭିଯୋଗ କରିଛନ୍ତି ।
ପାକିସ୍ତାନ ସେନା ପକ୍ଷରୁ ତାଙ୍କୁ ସୁରକ୍ଷା ଯୋଗାଇ ଦିଆଗଲେ ସେ ପାକିସ୍ତାନକୁ ପୁଣି ଫେରିବେ ବୋଲି ସୂଚନା ଦେଇଛନ୍ତି । ତାଙ୍କ ପରିବାର ଲୋକଙ୍କୁ ବି ଧମକ ଦିଆଯାଉଥିବା ସେ ସୂଚନା ଦେଇଛନ୍ତି । ଆସିଆଙ୍କୁ ଧୋଷମୁକ୍ତ କରାଯିବା ପରେ ଏହି ରାୟ ବିରୋଧରେ ପାକିସ୍ତାନ ସୁପ୍ରିମକୋର୍ଟରେ ପୁଣି ଏକ ରିଭ୍ୟୁ ପିଟିସନ ଦାଖଲ ହୋଇଛି । ଏହାକୁ ଶୀଘ୍ର କରିବା ପାଇଁ ଆବେଦନକାରୀ ଅଦାଲତରେ ପ୍ରାର୍ଥନା କରିଛନ୍ତି ।
