କଣ୍ଟାବାଞ୍ଜି : ମୁଖ୍ୟମନ୍ତ୍ରୀ କଳାକାର ସହାୟତା ଚୟନ ପରିପ୍ରେକ୍ଷୀରେ ଗତ ଦୁଇ ଦିନ ଧରି ତୁରେକେଲା ବ୍ଲକ କାର୍ଯ୍ୟାଳୟରେ ଯୋଗ୍ୟତା ପରୀକ୍ଷା କାର୍ଯ୍ୟକ୍ରମ ଶେଷ ହୋଇଛି । ଏଥିରେ ୧୧୨ଜଣ କଳାକାର ଚିହ୍ନଟ ହୋଇଛନ୍ତି । ବଲାଙ୍ଗୀର ଜିଲ୍ଲା ସଂସ୍କୃତି ବିଭାଗ କାର୍ଯ୍ୟାଳୟରୁ ଏହି ବ୍ଲକକୁ ମୋଟ ୧୭୮ଜଣ ଦରଖାସ୍ତ କାରୀଙ୍କ ତାଲିକା ଦିଆଯାଇ ଥିଲା। ତେବେ ଏହି ୧୭୮ ଜଣଙ୍କ ମଧ୍ୟରୁ ୩୪ ଜଣଙ୍କ ଦରଖାସ୍ତ ଯାଞ୍ଚ ବେଳେ ପୂର୍ବରୁ ଖାରଜ ହୋଇ ସାରିଥିଲା। କାଏମ ରହି ଥିବା ୧୪୪ ଦରଖାସ୍ତ ମଧ୍ୟରୁ ମୋଟ ୧୩୬ ଜଣ ଆବେଦନକାରୀ ଏହି ଯୋଗ୍ୟତା ପରୀକ୍ଷା କାର୍ଯ୍ୟକ୍ରମରେ ଅଂଶଗ୍ରହଣ କରିଥିଲେ। ସେଥି ମଧ୍ୟରୁ ୧୧୨ଜଣ ମୁଖ୍ୟମନ୍ତ୍ରୀ କଳାକାର ସହାୟତା ଯୋଜନା ନିମନ୍ତେ ଯୋଗ୍ୟ କଳାକାର ଭାବେ ବିବେଚିତ ହୋଇଛନ୍ତି । ବିଭିନ୍ନ କାରଣ ବଶତଃ ୮ ଜଣ ଆବେଦନକାରୀ ଅନୁପସ୍ଥିତ ରହିଥିଲେ। ଦୁଇ ଦିନ ଧରି ହୋଇ ଯାଇଥିବା କଳାକାରଙ୍କ ଏହି ଯୋଗ୍ୟତା ପରୀକ୍ଷା କାର୍ଯ୍ୟକ୍ରମର ମନୋନୟନ କମିଟିରେ ବ୍ଲକ ର ଗୋଷ୍ଠୀ ଉନ୍ନୟନ ଅଧିକାରୀ ଦେବାଶିଷ ସାମଲ ତଥା ସାମାଜିକ ସୁରକ୍ଷା ଅଧିକାରୀ ହେମାନନ୍ଦ ବିଶ୍ବାଳଙ୍କ ସହିତ ବ୍ଲକ କଳା ଓ ସଂସ୍କୃତି ସଂଘ ଉପ ସଭାପତି କାର୍ତ୍ତିକେଶ୍ବର ସାହୁ, ବିଶିଷ୍ଟ ଆକାଶବାଣୀ କଳାକାର ହରିଶ୍ଚନ୍ଦ୍ର ବାରିକ, ଗାୟିକା ହାରାବତୀ ମେହେର, ଅମିଲ ପୁଟେଲ ଏବଂ ଭକ୍ତବନ୍ଧୁ ମେହେର ରହିଥିଲେ। ହେମସାଗର ସେଠ, ଚିତ୍ତମନ ତାଣ୍ଡି, ପୁରନ୍ଦର ପୁଟେଲ, ତୁଳାରାମ ବନଛୋର, ଚମ୍ପେଶ୍ବର ନାଗ, ବିଶ୍ବମ୍ଭର ପୁଟେଲ ପ୍ରମୁଖ କାର୍ଯ୍ୟକ୍ରମକୁ ସଫଳ କରିବାରେ ସହାୟତା କରିଥିଲେ ।
Popular Categories
Previous article
Next article