ମଣିବାବା ଭଙ୍ଗା ରତ୍ନପଲଙ୍କରେ ଶୋଇବା ଘଟଣା, ସ୍ଥିତି ପରଖିବା ପାଇଁ ମନ୍ଦିର ପ୍ରଶାସନକୁ ଜିଲ୍ଲାପାଳଙ୍କ ନିର୍ଦ୍ଦେଶ

ଆରଡି: ଦେବଦେବ ମହାଦେବ ବାବା ଆଖଣ୍ଡଳମଣି କୋଟିକୋଟି ଟଙ୍କା ସମ୍ପତ୍ତିର ମାଲିକ ହୋଇ ମଧ୍ୟ ଭଙ୍ଗା ରତ୍ନପଲଙ୍କରେ ଶୟନ କରିବା ରାଜ୍ୟ ଓ ରାଜ୍ୟ ବାହରେ ଥିବା ସମସ୍ତ ଶୈବଭକ୍ତଙ୍କୁ କୋଠାରଘାତ କରିଛି । ଏପରି ଖବର ଗତ ଗୁରୁବାର ଦୈନିକ ‘ସମାଜ’ରେ ପ୍ରକାଶ ପାଇବା ପରେ ଜିଲ୍ଲା ପ୍ରଶାସନ ପକ୍ଷରୁ ତପ୍ତରତା ଦେଖା ଦେବା ସହ ସ୍ଥିତି ପରଖିବା ପାଇଁ ମନ୍ଦିର ପ୍ରଶାସନକୁ ଜିଲ୍ଲାପାଳ ଜ୍ଞାନ ଦାସ ପରାମର୍ଶ ଦେଇଛନ୍ତି । ଏପରିକି ଖୁବଶିଘ୍ର ରତ୍ନପଲଙ୍କ ସମେତ ଗମ୍ଭୀରାଘର ଜାଉଁଳି କବାଟ, ଗଳିଘର ଗୁମୁଟ ଆଦିର ମରାମତି ପାଇଁ ରାଜ୍ୟ ପ୍ରତ୍ନତ୍ତତ୍ୱ ବିଭାଗ ଜଣାଇବା ପାଇଁ ଜିଲ୍ଲାପାଳ ଶ୍ରୀ ଦାସ ପରାମର୍ଶ ଦେଇଥିବା ମନ୍ଦିର ଟ୍ରଷ୍ଟ ପକ୍ଷରୁ ପ୍ରକାଶ ପାଇଛି । ଏପରିକି ମଣିବାବାଙ୍କ ନୀତିକାନ୍ତିର ଯେପରି କୈାଣସି ବ୍ୟାଘାତ ନଘଟିବ ସେଥିପାଇଁ ମନ୍ଦିର ପ୍ରଶାସନ ପକ୍ଷରୁ ସମସ୍ତ ପ୍ରକାର ବ୍ୟବସ୍ଥା ଗ୍ରହଣ କରାଯିବ ବୋଲି ମନ୍ଦିର ପରିଚାଳକ ବିଦ୍ୟାଧର ପଲାଇ ପ୍ରକାଶ କରିଛନ୍ତି ।