ସମ୍ବଲପୁର: ସମ୍ବଲପୁର ମହାନଗର ନିଗମ ପକ୍ଷରୁ ସ୍ୱଚ୍ଛତା ହିଁ ସେବା ଅଭିଯାନ କ୍ରମରେ ଏବେ ପ୍ଲାଷ୍ଟିକ ବିକ୍ରି ଉପରେ ଚଢ଼ାଉ ଜାରି ରହିଛି । ଏହି କ୍ରମରେ ବୁଧବାର ଗୋଲବଜାର ଅଞ୍ଚଳର ବିଭିନ୍ନ ହୋଲସେଲ ପ୍ରତିଷ୍ଠାନ, ଦୋକାନ ଗୁଡିକରେ ଚଢ଼ଉ କରାଯାଇ ୧୩ କିଗ୍ରା ଏକକ ବ୍ୟବହୃତ ପ୍ଲାଷ୍ଟିକ ଜବତ କରାଯାଇଥିବା ବେଳେ ୮ ହଜାର ୧ ଶହ ଟଙ୍କା ଜରିମାନା ଆଦାୟ କରାଯାଇଥିବା ମହାନଗର ନିଗମ କମିଶନର ସୂଚନା ଦେଇଛନ୍ତି । ସହରର ଛୋଟ ଛୋଟ ବିକ୍ରେତାମାନଙ୍କଠାରୁ ପ୍ଲାଷ୍ଟିକ ଜବତ କରାଯାଇ ତାଗିଦ କରାଯାଉଥିବା ବେଳେ ହୋଲେସେଲ ଦୋକାନଗୁଡିକୁ ଜରିମାନା କରାଯାଉଛି। ଜନତାଙ୍କୁ ସଚେତନ କରିବା ଏବଂ ପ୍ଲାଷ୍ଟିକ ବ୍ୟବହାରକୁ ବନ୍ଦ କରିବା ପାଇଁ ସ୍ୱଚ୍ଛତା ଅଭିଯାନ କ୍ରମରେ ଏହା କରାଯାଉଛି ବୋଲି ନିଗମ ପକ୍ଷରୁ ସୂଚନା ଦିଆଯାଇଛି । ସୁଚନାଯୋଗ୍ୟ, ୨୦୧୩ ମସିହାରୁ ସମ୍ବଲପୁର ମହାନଗର ନିଗମରେ ରାଜ୍ୟର ପ୍ରଥମ ସହର ରୂପେ ପ୍ଲାଷ୍ଟିକ ବିକ୍ରି ଓ ବ୍ୟବହାର ଉପରେ ରୋକ ଲଗାଯାଇଛି । କିନ୍ତୁ ପ୍ରକୃତ କ୍ଷେତ୍ରରେ ତାହା ଆଜି ପର୍ଯ୍ୟନ୍ତ ପ୍ରତିଫଳିତ ହୋଇ ନାହିଁ।
Popular Categories
Previous article
Next article