ନୂଆଦିଲ୍ଲୀ: ୨୦୨୪ ଲୋକସଭା ନିର୍ବାଚନ ପୂର୍ବରୁ ଆମେଥି ରାଜନୀତି ସରଗରମ ହୋଇଛି । ଗୋଟିଏ ପଟେ ଭାରତ ଯୋଡୋ ନ୍ୟାୟ ଯାତ୍ରା ସହିତ ଆମେଥିକୁ ରାହୁଲ ଗାନ୍ଧୀ ଆସୁଥିବା ବେଳେ ଅନ୍ୟପଟେ କେନ୍ଦ୍ରମନ୍ତ୍ରୀ ତଥା ସାଂସଦ ସ୍ମୃତି ଇରାନୀ ମଧ୍ୟ ତାଙ୍କ ସଂସଦୀୟ କ୍ଷେତ୍ର ଆମେଥିକୁ ୪ଦିନିଆ ଗସ୍ତରେ ଆସୁଛନ୍ତି । ସୋମବାର ଠାରୁ ସ୍ମୃତି ଇରାନୀ ଆମେଥିର ଅନେକ ଗାଁରେ ଦଳ ପକ୍ଷରୁ ହେଉଥିବା ଜନ ସମ୍ବାଦ ବିକାଶ ଯାତ୍ରାରେ ସାମିଲ ହେବେ । ଏହାପରେ ତାଙ୍କ ନୂତନ ବାସଭବନରେ ପ୍ରବେଶ କରିବାର କାର୍ଯ୍ୟକ୍ରମ ରହିଛି । ସେପଟେ ରାହୁଲ ଗାନ୍ଧୀ ଆମେଥି ଏବଂ ଗୌରଗଞ୍ଜ ସହରରେ ପଦଯାତ୍ରା କରିବା ପରେ ବାବୁଗଞ୍ଜରେ ସାଧାରଣ ସଭାରେ ସମ୍ବୋଧିତ କରିବେ । ବର୍ତ୍ତମାନ ଏହି ଦୁଇ ନେତା ଆମେଥି ଆସିବା ପରେ ରାଜନୀତି ନିଶ୍ଚିତ ସରଗରମ ହୋଇଛି ।
Comments are closed.