ୱାଶିଂଟନ୍: ଆମେରିକୀୟ ପର୍ଯ୍ୟଟକ ତଥା ଧର୍ମପ୍ରଚାରକ ଜନ୍ ଆଲେନ୍ ଚାଉଙ୍କ ମୃତ୍ୟୁ ଘଟଣାରେ ଆମେରିକାସ୍ଥିତ ଇଣ୍ଟରନ୍ୟାଶ୍ନାଲ୍ ଖ୍ରୀଷ୍ଟିଆନ୍ କନ୍ସର୍ନ ଉଦ୍ବେଗ ପ୍ରକାଶ କରିବା ସହିତ ସମ୍ପୃକ୍ତ ଆଦିବାସୀଙ୍କ ବିରୋଧରେ ହତ୍ୟା ମାମଲା ରୁଜୁ ପାଇଁ ଦାବି କରିଛି।
ଏକ ୱେବ୍ସାଇଟକୁ ସଂଗଠନ ପକ୍ଷରୁ କୁହାଯାଇଛି ଯେ ଜନ୍୍ଙ୍କ ପରିବାର ଓ ବନ୍ଧୁବର୍ଗଙ୍କ ପ୍ରତି ଆମର ସମବେଦନା ରହିଛି। କିନ୍ତୁ ଏଥିରେ ଯେଉଁମାନେ ସମ୍ପୃକ୍ତ ସେମାନଙ୍କ ବିରୋଧରେ ବିହିତ କାର୍ଯ୍ୟାନୁଷ୍ଠାନ ସହିତ ମାମଲା ରୁଜୁ ହେବା ଆବଶ୍ୟକ।
ସୂଚନାଯୋଗ୍ୟ, ଆଣ୍ଡାମାନ୍ ନିକୋବରରେ ଆଦିମ ଅଧିବାସୀ ରହୁଥିବା ଅଞ୍ଚଳକୁ ଯିବା ପାଇଁ ବାହାର ଲୋକଙ୍କୁ ବାରଣ କରାଯାଇଥିବା ବେଳେ ଜନ୍ ତଟରକ୍ଷୀଙ୍କ ଦୃଷ୍ଟି ଆଢ଼ୁଆଳରୁ ଲୁଚି ସେଠାକୁ ଯାଇଥିଲେ। ଗୋଟିଏ ଦିନ ପରେ ତାଙ୍କର ମୃତ ଦେହକୁ ସମୁଦ୍ର କୂଳରେ ପଡ଼ିଥିବା ମତ୍ସ୍ୟଜୀବୀମାନେ ଦେଖି ଜନ୍ଙ୍କ ସାଥୀ ଆଲେକ୍ସଙ୍କୁ କହିଥିଲେ। ଆଦିମ ଅଧିବାସୀଙ୍କ ତୀରମାଡ଼ରେ ଜନ୍ଙ୍କ ମୃତ୍ୟୁ ଘଟିଥିବା କୁହାଯାଉଛି। ଏ ପର୍ଯ୍ୟନ୍ତ ଜନ୍ଙ୍କ ମୃତ ଦେହ ଠାବ କରାଯାଇପାରିନାହିଁ। ଜନ୍ଙ୍କୁ ନେଇ ଯାଇଥିବା ମତ୍ସ୍ୟଜୀବୀଙ୍କୁ ଗିରଫ କରାଯାଇ ତଦନ୍ତ ଆରମ୍ଭ ହୋଇଛି।
ଅପରପକ୍ଷରେ ଏହି ଘଟଣାରେ ଜନ୍ଙ୍କ ପରିବାର ପକ୍ଷରୁ କୁହାଯାଇଛି ଯେ ସେ ଈଶ୍ୱର ଓ ଜୀବନକୁ ଖୁବ୍ ଭଲ ପାଉଥିଲେ। ତାଙ୍କ ମୃତ୍ୟୁ ଆମକୁ ଅଶେଷ ଦୁଃଖ ଦେଇଛି। ଏହି ଘଟଣାରେ ଅଟକ ଥିବା ଲୋକଙ୍କୁ ଛାଡ଼ି ଦେବା ପାଇଁ ଜନ୍ଙ୍କ ପରିବାର ପକ୍ଷରୁ ନିବେଦନ କରାଯାଇଛି।
ଆଦିବାସୀଙ୍କ ବିରୋଧରେ ହତ୍ୟା ମାମଲା ରୁଜୁ ପାଇଁ ଦାବି
Popular Categories
Previous article
Next article