ନୂଆଦିଲ୍ଲୀ: ସଂସଦର ମୌସୁମୀ ଅଧିବେଶନ ପୂର୍ବରୁ ସର୍ବଦଳୀୟ ବୈଠକ ଡକାଯାଇଛି। ମୌସୁମୀ ଅଧିବେଶନ ସମୟରେ ସାଂସଦମାନେ ଯେପରି କାର୍ଯ୍ୟରେ କୌଣସି ପ୍ରକାର ବାଧା ସୃଷ୍ଟି ନ କରିବେ ସେଥିଲାଗି ସଂସଦୀୟ ଶିଷ୍ଟାଚାର ଉପରେ ଧ୍ୟାନ ନିବେଶ କରିବାକୁ କୁହାଯାଇଛି। ସର୍ବଦଳୀୟ ବୈଠକରେ କଂଗ୍ରେସ ତରଫରୁ ଗୌରବ ଗୋଗୋଇ ଏବଂ ପ୍ରମୋଦ ତିଓ୍ବାରୀ ସାମିଲ ହେବେ।
ବୈଠକ ପୂର୍ବରୁ ସାଂସଦମାନଙ୍କୁ କୁହାଯାଇଛି ଯେ, ଗୃହର ଅଧ୍ୟକ୍ଷଙ୍କ ନିଷ୍ପତ୍ତି ଉପରେ ଗୃହ ଭିତରେ କିମ୍ବା ବାହାରେ ପ୍ରତ୍ୟକ୍ଷ ବା ପରୋକ୍ଷ ରୂପେ କୌଣସି ଆଲୋଚନା କରାଯିବା ଉଚିତ ନୁହେଁ। ଗୃହରେ କୌଣସି ସଦସ୍ୟ ବନ୍ଦେ ମାତରଂ ଏବଂ ଜୟ ହିନ୍ଦ ସ୍ଳୋଗାନ ଦେବେ ନାହିଁ। ଗୃହ ମଧ୍ୟଭାଗକୁ ଆସି ବିକ୍ଷୋଭ କରିବେ ନାହିଁ। ଜୁଲାଇ ୨୨ରୁ ଆରମ୍ଭ ହେବାକୁ ଥିବା ମୌସୁମୀ ଅଧିବେଶନ ଆସନ୍ତା ଅଗଷ୍ଟ ୧୨ ପର୍ଯ୍ୟନ୍ତ ଚାଲିବ। ଜୁଲାଇ ୨୩ରେ ଅର୍ଥମନ୍ତ୍ରୀ ନିର୍ମଳା ସୀତାରମଣ ବଜେଟ ଉପସ୍ଥାପନ କରିବେ।
