ଗଞ୍ଜାମ : ଗଞ୍ଜାମ ଜିଲାର ଗଞ୍ଜାମ ବ୍ଲକ ଅନ୍ତର୍ଗତ ପାଳିବନ୍ଧ ପଞ୍ଚାୟତର ଋଷିକୁଲ୍ୟା ମୁହାଣ ବେଳାଭୂମି ଅଞ୍ଚଳରେ ବର୍ତ୍ତମାନ ଅଲିଭ ରିଡଲେ ସାମୁଦ୍ରିକ କଇଁଚ୍ଛ ମାନଙ୍କ ଅଣ୍ଡାରୁ ଛୁଆ ବାହାରିବା ପ୍ରକ୍ରିୟା ଆରମ୍ଭ ହୋଇଛି। କଇଁଚ୍ଛ ଶାବକମାନେ ସ୍ୱତଃପ୍ରବୃତଃ ଭାବେ ବେଳାଭୂମିରୁ ସମୁଦ୍ରମୁହାଁ ହେଉଛନ୍ତି। ଏହି ବିରଳ ଦୃଶ୍ୟ ଦେଖିବା ପାଇଁ ଓଡିଶାର ରାଜ୍ୟପାଳ ଡ.ହରିବାବୁ କମ୍ଭମପାଟି ରବିବାର ପୂର୍ବାହ୍ନରେ ପୋଡ଼ମପେଟା ଆସିଥିଲେ। ରାଜ୍ୟପାଳ ଡ. କମ୍ଭମପାଟି ବେଳାଭୂମି ନିକଟକୁ ଆସି ଅଲିଭ ରିଡଲେ କଇଁଚ୍ଛ ଶାବକମାନେ କିଭଳି ଅଣ୍ଡାରୁ ବାହାରି ସମୁଦ୍ରକୁ ଯାଉଛନ୍ତି ତାହା ବୁଲି ଦେଖିଥିଲେ। ଅଲିଭ ରିଡଲେ ସାମୁଦ୍ରିକ କଇଁଚ୍ଛଙ୍କ ସମ୍ପର୍କରେ ରାଜ୍ୟପାଳ ବ୍ରହ୍ମପୁର ବନଖଣ୍ଡ ଅଧିକାରୀ ସନି ଖୋଖରଙ୍କୁ ପଚାରି ବୁଝିଥିଲେ। ରାଜ୍ୟପାଳଙ୍କ ଗସ୍ତ ସମୟରେ ଗଞ୍ଜାମ ଜିଲାପାଳ ଦିବ୍ୟଜ୍ୟୋତି ପରିଡା, ବ୍ରହ୍ମପୁର ଏସ୍ପି ଡ଼ଃ ଶ୍ରବଣା ବିବେକ ଏମ, ପ୍ରକଳ୍ପ ନିର୍ଦେଶକ ମଧୁମିତା,ବିଡ଼ିଓ ଅଚ୍ୟୁତାନନ୍ଦ ଜାନି,ତହସିଲଦାର ସୁକାନ୍ତ ଚନ୍ଦ୍ର ମିଶ୍ର,ଏ ସି ଏଫ ଦିବ୍ୟ ଶଙ୍କର ବେହେରା ସମେତ ବହୁ ଜିଲାସ୍ତରୀୟ ପଦାଧିକାରୀ ଉପସ୍ଥିତ ଥିଲେ ।
Popular Categories
Previous article
Next article