ନୂଆଦିଲ୍ଲୀ : ବେଆଇନ ଖଣି ଖନନକୁ ନେଇ ସିବିଆଇ ମାମଲାର ସମ୍ମୁଖୀନ ହୋଇଛନ୍ତି ସମାଜବାଦୀ ପାର୍ଟି ମୁଖ୍ୟ ତଥା ଉତ୍ତରପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ ଅଖିଲେଶ ଯାଦବ। ସିବିଆଇର ଏହି ମାମଲାକୁ ଅଖିଲେଶ ଓ ବିରୋଧୀ ଦଳଗୁଡିକ ରାଜନୈତିକ ଉଦ୍ଦେଶ୍ୟ ପ୍ରଣୋଦିତ ବୋଲି ଅଭିଯୋଗ କରିଛନ୍ତି। ତେବେ ସିବିଆଇର କହିବା ଅନୁଯାୟୀ ବେଆଇନ ଖଣି ଖନନରେ ଅଖିଲେଶଙ୍କ ସମ୍ପୃକ୍ତିର ବଳିଷ୍ଠ ପ୍ରମାଣ ରହିଛି। ସୋମବାର ସିବିଆଇ କହିଛି ଯେ ମୁଖ୍ୟମନ୍ତ୍ରୀ ଥିବା ସମୟରେ ଅଖିଲେଶ ଗୋଟିଏ ଦିନରେ ୧୩ଟି ଖଣି ଲିଜ୍କୁ ଅନୁମୋଦନ କରିଥିଲେ। ମୁଖ୍ୟମନ୍ତ୍ରୀତ୍ବ କାଳରେ ଅଖିଲେଶ କିଛି ଦିନ ପାଇଁ ଖଣି ମନ୍ତ୍ରଣାଳୟ ଦାୟିତ୍ବରେ ରହିଥିଲେ। ଦାୟିତ୍ବରେ ଥିବା ସମୟରେ ୨୦୧୩ ଫେବୃଆରୀ ୧୭ ତାରିଖରେ ଅଖିଲେଶ ୧୩ଟି ଖଣି ଲିଜ୍କୁ ଅନୁମୋଦନ କରିଥିଲେ। ଏହି ଖଣି ଲିଜ୍ ଅନୁମୋଦନ କରିବାକୁ ଅଖିଲେଶ ୨୦୧୨ ଇ-ଟେଣ୍ଡର ନିୟମକୁ ଉଲ୍ଲଙ୍ଘନ କରିଥିଲେ। ମୁଖ୍ୟମନ୍ତ୍ରୀଙ୍କ ନିର୍ଦେଶ ଆଧାରରେ ହମିରପୁର ଜିଲାପାଳ ବି ଚନ୍ଦ୍ରକଳା ଖଣି ଲିଜ୍କୁ ଅନୁମତି ଦେଇଥିଲେ।
ସିବିଆଇ ମାମଲାକୁ ନେଇ ଅଖିଲେଶ କହିଛନ୍ତି ଯେ କେନ୍ଦ୍ରର ବିଜେପି ସରକାର ତାଙ୍କ ବିରୋଧେର ତଦନ୍ତକାରୀ ଏଜେନ୍ସିକୁ ଉପଯୋଗ କରିଛନ୍ତି। ବିଜେପିର ଏପରି କାର୍ଯ୍ୟରେ ସେ ଭୟଭୀତ ନୁହନ୍ତି ଓ ସିବିଆଇ ଜେରାର ସମ୍ମୁଖୀନ ହେବାକୁ ପ୍ରସ୍ତୁତ। ପୂର୍ବରୁ କଂଗ୍ରେସ ମୋ ବିରୋଧରେ ସିବିଆଇକୁ ଉପଯୋଗ କରିଥିଲା ଏବେ ବିଜେପି ଏହାକୁ ଉପଯୋଗ କରୁଛି।
ଗୋଟିଏ ଦିନରେ ୧୩ଖଣି ଖନନକୁ ଅନୁମୋଦନ କରିଥିଲେ ଅଖିଲେଶ
Popular Categories
Previous article
Next article