ଆଜି ସମ୍ବିଧାନ ଦିବସ ପାଳନ ଅବସରରେ ଆକାଶବାଣୀ କଟକର ଆଞ୍ଚଳିକ ସମ୍ବାଦ ବିଭାଗ ପକ୍ଷରୁ ସମ୍ବିଧାନ ପ୍ରସ୍ତାବନା ପାଠ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଆଞ୍ଚଳିକ ସମ୍ବାଦ ବିଭାଗ ମୁଖ୍ୟ ତପନ କୁମାର ମହାରଣା ଏହି ଅବସରରେ ସଂବିଧାନ ଦିବସ ପାଳନର ମହତ୍ୱ ସମ୍ପର୍କରେ ଆଲୋଚନା କରିବା ସହ ଉପସ୍ଥିତ ସମସ୍ତ ଅଧିକାରୀ ଓ କର୍ମଚାରୀଙ୍କୁ ସଂବିଧାନ ପ୍ରସ୍ତାବନା ପାଠ କରାଇଥିଲେ। ଶ୍ରୀ ମହାରଣା କହିଥିଲେ ଯେ ଦେଶର ଏକତା ଓ ଅଖଣ୍ତତାକୁ ବଜାୟ ରଖି ଭାତୃଭାବର ବିକାଶ ଘଟାଇବା ଆମ ସମସ୍ତଙ୍କର କର୍ତ୍ତବ୍ୟ ହେବା ଉଚିତ।
ଏହି କାର୍ଯ୍ୟକ୍ରମରେ ସମ୍ବାଦ ବିଭାଗର ସମ୍ପାଦକ ପାର୍ଥ ସାରଥୀ ମଲ୍ଲିକ, ବରିଷ୍ଠ କାର୍ଯ୍ୟାଳୟ ସହକାରୀ ଗୌରାଙ୍ଗ ମହାନ୍ତି, ସମ୍ବାଦ ପାଠିକା ପ୍ରଜ୍ଞା ପାରମିତା ଜେନା, ଯାନ୍ତ୍ରିକ ସହଯୋଗୀ ସନ୍ଧ୍ୟାଶ୍ରୀ ଦତ୍ତ ଓ ସଞ୍ଜୁଲତା ପୃଷ୍ଟି ପ୍ରମୁଖ ଉପସ୍ଥିତ ଥିଲେ।
