ନୂଆଦିଲ୍ଲୀ : ବେଙ୍ଗାଲୁରୁ ଠାରୁ ସାନ୍ ଫ୍ରାନସିସ୍କୋକୁ ଏୟାର ଇଣ୍ଡିଆ ବିମାନରେ ଯାତ୍ରା କରୁଥିବା ଜଣେ ଯାତ୍ରୀଙ୍କୁ ବିମାନରେ ଦିଆଯାଇଥିବା ଖାଦ୍ୟରୁ ଏକ ଧାତବ ବ୍ଲେଡ ମିଳିଥିବା ଅଭିଯୋଗ ହୋଇଛି। ସାମ୍ବାଦିକ ମାଥୁରେସ୍ ପଲ୍ ଏୟାର ଇଣ୍ଡିଆର ବିମାନ ଏଆଇ୧୭୫ରେ ଯାତ୍ରା କରୁଥିବା ସମୟରେ ଏଭଳି ପରିସ୍ଥିତିର ସମ୍ମୁଖୀନ ହୋଇଥିଲେ। ଏ ସମ୍ପର୍କରେ ସେ ବିମାନ ପରିଚାରିକାଙ୍କ ଦୃଷ୍ଟି ଆକର୍ଷଣ କରିବା ପରେ ପରିଚାରିକା କ୍ଷମା ମାଗିବା ସହିତ ତାଙ୍କୁ ଅନ୍ୟ ଖାଦ୍ୟ ଦେଇଥିଲେ। ଘଟଣା ଘଟିବା ପରେ ଏୟାର ଇଣ୍ଡିଆ କର୍ତ୍ତୃପକ୍ଷ ତାଙ୍କ ନିକଟକୁ ପତ୍ରଲେଖି କ୍ଷତିପୂରଣ ବାବଦରେ ବିଶ୍ବର ଯେକୋୖଣସି ସ୍ଥାନକୁ ମାଗଣା ବିଜିନେସ୍ ଶ୍ରେଣୀରେ ଯାତ୍ରା ସୁଯୋଗ ପ୍ରଦାନ କରିବାକୁ କହିଥିଲେ। ଏୟାର ଇଣ୍ଡିଆ କର୍ତ୍ତୃପକ୍ଷ ଏହି ଘଟଣାକୁ ସ୍ବୀକାର କରିବା ସହିତ ପରିବା ପ୍ରକ୍ରିୟାକରଣ ଯନ୍ତ୍ରରୁ ଉକ୍ତ ବ୍ଲେଡ ଆସିଥିବା ଜାଣିବାକୁ ପାଇଛନ୍ତି। ଏହା ପରେ ନିରାପତ୍ତା ଦିଗକୁ କଡାକଡି କରିବାକୁ ପଦକ୍ଷେପ ନିଆଯାଇଥିବା କର୍ତ୍ତୃପକ୍ଷ କହିଛନ୍ତି।
Popular Categories
Previous article
Next article