ଗୁଣପୁର : ଚାଷ କାମ ଯାହାର କି ଆନନ୍ଦ ତାହାର । ଏହାକୁ ଅନୁସରଣ କରି ଚାଲିଛନ୍ତି ଟୁବୁରୁ । ବାପା ଚାଷୀ ହୋଇଥିବାରୁ ସେ ମଧ୍ୟ ବାପାଙ୍କୁ ଚାଷ କାମରେ ସାହାଯ୍ୟ କରି କରି ନିଜେ ଚାଷୀ ହୋଇଛନ୍ତି । ନିଜର ୫ ଏକର ଜମିରେ ଟୁବୁରୁ ଚାଷ କରୁଛନ୍ତି । ଏଥିସହ ଭାଗରେ ମଧ୍ୟ ଧାନ ଓ କପା ଚାଷ କରୁଛନ୍ତି। ନିଜ ଗାଁ ଶ୍ରମିକମାନେ ହିଁ ଟୁବୁରୁଙ୍କ ଜମିରେ କାମ କରିନ୍ତି । ରାୟଗଡା ଜିଲା ରାମନାଗୁଡା ବ୍ଳକ୍ ଖାମ୍ୱାଗୁଡା ଗାଁର ଟୁବୁରୁ ଜଣେ ଅଗ୍ରଣୀ ଚାଷୀ ଭାବେ ବ୍ଳକସ୍ତରରେ ମଧ୍ୟ ପୁରସ୍କୃତ ହୋଇଛନ୍ତି । ସକାଳୁ ସକାଳୁ ପରିବା କ୍ଷେତ କାମରେ ଲାଗିଛନ୍ତି। ଆଉ ନିଜ ପରିଶ୍ରମରେ ଫଳାଇଥିବା ପରିବା କ୍ଷେତରୁ ଉପୁଜାଉଛନ୍ତି ପରିବା । ଇଏ ହେଉଛି ଟୁବୁରୁ କରକରିଆଙ୍କ ପରିବା କ୍ଷେତର ଦୃଶ୍ୟ। ଚଳିତବର୍ଷ ବାଇଗଣ ମଧ୍ୟ ଭଲ ଅମଳ ହୋଇଛି। ନିଜ ପରିବାର ସହ ଗାଁ ଲୋକ ମଧ୍ୟ ଏହି ଜମିରେ କାମ କରି ବେଶ ଦୁଇ ପଇସା ଉପାର୍ଜନ କରନ୍ତି। ପିଲା ଦିନରୁ ଚାଷ ପ୍ରତି ଦୁର୍ବଳତା ଥିବା ଓ ଅଳ୍ପ ବିଦ୍ୟା ଯୋଗୁଁ ଚାଷ ପ୍ରତି ମୁହଁଇଲେ ଟୁବୁରୁ। ନିଜେ ବଞ୍ଚିବା ସହ ଅନ୍ୟମାନଙ୍କ ପାଇଁ କର୍ମ ଯୋଗାଇଛନ୍ତି। କେବଳ ବାଇଗଣ ନୁହଁ, ହାସହ ନିଜ ଜମିରେ ମାଛ ବନ୍ଧ, ଇଟା ତିଆରି କରିବା ସହ ଭାଗରେ ଧାନ ଓ କପା ଚାଷ ମଧ୍ୟ କରନ୍ତି। ଚାଷ ପ୍ରତି ତାଙ୍କର ନିଷ୍ଠା ଓ ସଫଳତା ଚାଷ ପ୍ରତି ବିମୁଖ ହେଉଥିବା ଲୋକଙ୍କ ପାଇଁ ପାଲଟିଛି ପ୍ରେରଣା।
Popular Categories
Previous article
Next article