କଣ୍ଟାବାଞ୍ଜି: ଜନସାଧାରଣଙ୍କ ହିତ ପାଇଁ ଆମ ଆଦମୀ ପାର୍ଟି ତରଫରୁ ତହସିଲ କାର୍ଯ୍ୟାଳୟ ସମ୍ମୁଖରେ ୧୬ ଦଫା ଦାବୀ ନେଇ ଫେବୃଆରୀ ୨୨ ରୁ ଚାଲିଥିବା ଗଣଧାରଣା ୨୬ ଦିନ ପରେ ସ୍ଥଗିତ ହୋଇଛି । ନିର୍ବାଚନ ଆଚରଣ ବିଧି ଲାଗୁ ହେବା କାରଣରୁ ଧାରଣାକୁ ସ୍ଥଗିତ କରାଯାଇଛି । କଣ୍ଟାବାଞ୍ଜି ନିର୍ବାଚନ ମଣ୍ଡଳୀର ସଭାପତି ସୁରଥ ବେହେରାଙ୍କ ନେତୃତ୍ଵରେ ୧୬ ଟି ଦାବି ନେଇ ଗଣଧାରଣା ଦିଆଯାଇଥିଲା । ଏହି ଗଣଧାରଣାରେ ପ୍ରଶାସନ ତରଫରୁ କୌଣସି ପ୍ରତିଶ୍ରୁତି ଦିଆଯାଇନଥିବା ବେଳେ ସାଧାରଣ ନିର୍ବାଚନ ତାରିଖ ଘୋଷଣା ହେବାରୁ ନିର୍ବାଚନ ଆଚରଣବିଧି ଲାଗୁ ହେବାରୁ ପାର୍ଟି ବାଧ୍ୟ ହୋଇ ଗଣଧାରଣାକୁ ସ୍ଥଗିତ କରିଛି । ନିର୍ବାଚନ ପରେ ଯଦି ଦାବି ପୂରଣ ନହୁଏ ତେବେ ପୁଣିଥରେ ଆନ୍ଦୋଳନକୁ ଓହ୍ଲାଇବୁ ବୋଲି ଦଳ ତରଫରୁ କୁହାଯାଇଛି ।
ଏହି ସମାପନ ସଭାରେ ନଗର ସଭାପତି ବିଷ୍ନୁ ପୁଞ୍ଜି, ସମ୍ପାଦକ ହାଡୁ ଛତ୍ରିଆ, ନାରୀ ନେତ୍ରୀ ସୁବର୍ଣ୍ଣ ଲତା ସାହୁ, ବସୁଧା ଦାସ, କପି ରଜା କୁମାର, ହୀରା ଧର ବରିହା ସହ ନଗର ପାଳ ବରିୟାମ ସିଂହ ସାଲୁଜା, ପୂର୍ବତନ ଭାଜପା ସଭାପତି ମୁରାରି ଅଗ୍ରୱାଲ, ଅଗ୍ରୱାଲ ସଭା ଟ୍ରଷ୍ଟ, ଅଖିଳ ଭାରତୀୟ ମାରୱାଡି ମହିଳା ମଞ୍ଚ ସହ ବହୁ ସାମାଜିକ ସଂଗଠନର କର୍ମକର୍ତ୍ତା, ସମାଜସେବୀ ମାନେ ସାମିଲ ହୋଇଥିଲେ ।
