ନୂଆଦିଲ୍ଲୀ: ଆସନ୍ତାକାଲି ଉତ୍ତରପ୍ରଦେଶର ଆମେଠି ଓ ରାୟବରେଲି ଆସନ ପାଇଁ ନାମାଙ୍କନ ଦାଖଲର ଶେଷ ଦିନ ରହିଛି। ନାମାଙ୍କନ ଦାଖଲ ପାଇଁ ହାତରେ ମାତ୍ର ୪୮ଘଣ୍ଟା ବାକି ଥିବାବେଳେ ଏଯାଏ ଏହି ଦୁଇ ଆସନରେ କଂଗ୍ରେସ ପକ୍ଷରୁ ପ୍ରାର୍ଥୀ ଘୋଷଣା କରାଯାଇନାହିଁ। ଆମେଠି ଓ ରାୟବରେଲି ଗାନ୍ଧୀ ପରିବାରର ପାରମ୍ପାରିକ ଗଡ ରହିଆସିଛି। କାଲି ପ୍ରାର୍ଥୀପତ୍ର ଦାଖଲର ଶେଷ ଦିନ ରହିଥିବାରୁ ଆଜି କଂଗ୍ରେସ ପକ୍ଷରୁ ପ୍ରାର୍ଥୀଙ୍କ ନାମ ଘୋଷଣା ହୋଇପାରେ। ଆସନ୍ତା ୨୦ରେ ଆମେଠି ଓ ରାୟବରେଲିରେ ନିର୍ବାଚନ ଅନୁଷ୍ଠିତ ହେବ। କିନ୍ତୁ ଏଯାଏଁ କଂଗ୍ରେସ ଦଳ ପ୍ରାର୍ଥୀ ଘୋଷଣା କରିନଥିବାରୁ ସସପେନ୍ସ ଜାରି ରହିଛି।
ଏହି ଦୁଇ ଆସନରେ ରାହୁଲ ଗାନ୍ଧୀ ଓ ପ୍ରିୟଙ୍କା ଗାନ୍ଧୀ ଭଦ୍ରା ପ୍ରାର୍ଥୀ ହୋଇପାରନ୍ତି ବୋଲି ଚର୍ଚ୍ଚା ହେଉଛି। କଂଗ୍ରେସର କେନ୍ଦ୍ରୀୟ ନିର୍ବାଚନ କମିଟି ଦଳର ସଭାପତି ମଲ୍ଲିକାର୍ଜୁନ ଖଡଗେଙ୍କୁ ଆମେଠି ଓ ରାୟବରେଲି ପାଇଁ ପ୍ରାର୍ଥୀ ଚୂଡାନ୍ତ କରିବାକୁ ଦାୟିତ୍ୱ ଦିଆଯାଇଛି। ୨୦୧୯ରେ ଆମେଠିରୁ ରାହୁଲ ଗାନ୍ଧୀ ପ୍ରାର୍ଥୀ ହୋଇଥିଲେ। ହେଲେ ସେ ବିଜେପି ପ୍ରାର୍ଥୀ ସ୍ମୃତି ଇରାନୀଙ୍କ ଠାରୁ ପରାଜିତ ହୋଇଥିଲେ। ସେହିପରି ରାୟବରେଲିରୁ ସୋନିଆ ଗାନ୍ଧୀ ପ୍ରାର୍ଥୀ ହୋଇ ବିଜୟ ହାସଲ କରିଥିଲେ।
ନାମାଙ୍କନ ଦାଖଲ ପାଇଁ ଆଉ ୪୮ଘଣ୍ଟା ବାକି: ଆମେଠି ଓ ରାୟବରେଲି ପାଇଁ କଂଗ୍ରେସ ଏଯାଏଁ କରିନି ପ୍ରାର୍ଥୀ ଘୋଷଣା
Popular Categories
Previous article
Next article