ଦାରିଙ୍ଗବାଡ଼ି: ଗାଧୋଇବାକୁ ଯାଉଥିବାବେଳେ ବିଦ୍ୟୁତ ସଂସ୍ପର୍ଶରେ ଆସି ଦୁଇ ଜଣ ଯୁବକଙ୍କର ମୃତ୍ୟୁ ହୋଇଥିବା ବେଳେ ଅନ୍ୟ ଦୁଇ ଜଣ ଯୁବକ ଗୁରୁତର ହୋଇଛନ୍ତି । ଏଭଳି ଏକ ଅଭାବନୀୟ ଘଟଣା କନ୍ଧମାଳ ଜିଲ୍ଲା ଦାରିଙ୍ଗବାଡି ଥାନା ଅନ୍ତର୍ଗତ ଭ୍ରମରବାଡ଼ି ପଂଚାୟତ ଅଧିନରେ ଥିବା କଲେଙ୍ଗବାଡି ଗାଁରେ ଘଟିଛି । ମୃତ ଯୁବକ ଦୁଇ ଜଣ ହେଉଛନ୍ତି ରଞ୍ଜନ ପ୍ରଧାନ (୨୧) ଏବଂ ଲିକୁ ପ୍ରଧାନ(୧୭) । ସେହିପରି ଗୁରୁତର ଆହତ ହୋଇଥିବା ଯୁବକ ଦୁଇ ଜଣ ହେଉଛନ୍ତି ଜଳେନ୍ଦ୍ର ପ୍ରଧାନ(୨୦) ଓ ସୁରଜ ପ୍ରଧାନ (୨୧)। ଗୁରୁତର ଯୁବକଙ୍କୁ ଦାରିଙ୍ଗବାଡି ହସ୍ପିଟାଲରେ ଭର୍ତ୍ତି କରାଯାଇଛି । ଖବର ପାଇ ଦାରିଙ୍ଗବାଡି ପୁଲିସ ହସ୍ପିଟାଲରେ ପହଂଚି ତଦନ୍ତ ଚଳାଇଛି । ମୃତ ରଞ୍ଜନ ପ୍ରଧାନ ୧୩ ଦିନ ତଳେ ବିବାହ କରିଥିଲେ । ତାଙ୍କ ବିୟୋଗରେ ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳି ଯାଇଛି ।
Popular Categories
Previous article
Next article