ମୁମ୍ବଇ : ବଲିଉଡ଼ ଅଭିନେତ୍ରୀ ସାରା ଅଲ୍ଲୀ ଖାନଙ୍କ ଜନ୍ମଦିନ ଅବସରରେ ସୋମବାର ‘କୁଲୀ ନମ୍ବର ୧’ର ନୂଆ ପୋଷ୍ଟର ରିଲିଜ୍ କରାଯାଇଛି। ଚଳଚ୍ଚିତ୍ରରେ ସାରା ଓ ବରୁଣ ଧାୱନ ନାୟକ-ନାୟିକା ଭାବେ ଅଭିନୟ କରିଛନ୍ତି। ରବିବାର ଚଳଚ୍ଚିତ୍ରର ଟିଜର୍ ପୋଷ୍ଟର ରିଲିଜ୍ କରାଯାଇଥିବା ବେଳେ ଆଜି ନିର୍ମାତା ଚଳଚ୍ଚିତ୍ରର ୨ଟି ନୂଆ ପୋଷ୍ଟର ରିଲିଜ୍ କରିଛନ୍ତି। ତମ୍ନଧ୍ୟରୁ ଗୋଟିଏରେ ସାରା ବରୁଣଙ୍କ ସହ ନଜର ଆସିଛନ୍ତି। ବରୁଣ ଟ୍ୱିଟରରେ ପୋଷ୍ଟର ଶେୟାର କରି ସାରାଙ୍କୁ ଜନ୍ମଦିନର ଶୁଭେଚ୍ଛା ଦେଇଛନ୍ତି।
ପୋଷ୍ଟରରେ ସାରାଙ୍କର ଖୁବ୍ ଆକର୍ଷକ ରୂପ ଦେଖିବାକୁ ମିଳିଥିବା ବେଳେ ବରୁଣ ତାଙ୍କ ସହ କୁଲୀ ବେଶରେ ନଜର ଆସିଛନ୍ତି। ଏହାବ୍ୟତୀତ ବରୁଣ ଆଉ ଏକ ପୋଷ୍ଟର ଶେୟାର କରିଛନ୍ତି। ଯେଉଁଥିରେ ତାଙ୍କୁ ଧଳା-ନାଲି ପୋଷାକ ସହ ଧଳା ଟୋପି ଓ ବେକରେ ଗାମୁଛା ପକାଇ ଜିନିଷପତ୍ର ରଖିବା ଗାଡ଼ି ଉପରେ ଠିଆ ହୋଇଥିବା ଦେଖିବାକୁ ମିଳିଛି। ଏହି ପୋଷ୍ଟରକୁ ମୋଶନ ଫର୍ମରେ ମଧ୍ୟ ରିଲିଜ୍ କରାଯାଇଛି।
ସୂଚନାଯୋଗ୍ୟ, ଏହି ଚଳଚ୍ଚିତ୍ର ୧୯୯୫ ମସିହାରେ ମୁକ୍ତିଲାଭ କରିଥିବା ଗୋବିନ୍ଦା-କରିଶ୍ମାଙ୍କ ଅଭିନୀତ ‘କୁଲୀ ନମ୍ବର ୧’ର ରିମେକ୍। ଏହା ଆସନ୍ତା ବର୍ଷ ମେ ୧ ତାରିଖରେ ମୁକ୍ତିଲାଭ କରିବ।
Comments are closed.