ନୂଆଦିଲ୍ଲୀ : ଦେବାଳିଆ ଆଇନ ବିଲ୍-୨୦୧୯ ଲୋକସଭାରେ ଆଜି ଗୃହିତ ହେବା ସହ ଏହା ସଂସଦର ଅନୁମୋଦନ ଲାଭ କରିଛି। ପୂର୍ବରୁ ବିଲ୍ ରାଜ୍ୟସଭାରେ ଗୃହୀତ ହୋଇସାରିଥିଲା । ଉଦ୍ୟୋଗ ପୁନର୍ଗଠନ ଯୋଜନା ସଂକ୍ରାନ୍ତ ଅନୁମତି ପ୍ରଦାନ ଓ ଭୋଟର୍ମାନଙ୍କର ଅଧିକୃତ ପ୍ରତିନିଧିମାନଙ୍କ ଅଧିକାର ଓ କର୍ତ୍ତବ୍ୟ ସଂକ୍ରାନ୍ତରେ ସ୍ପଷ୍ଟତା ଆଣିବା ବିଲ୍ର ମୂଳଲକ୍ଷ୍ୟ।
ବିଲରେ ଅଣାଯାଇଥିବା ସଂଶୋଧନ ଅନୁସାରେ ଋଣ ଖିଲାପ କରିଥିବା ଏକ କମ୍ପାନୀକୁ ଋଣ ଦେଇଥିବା କମିଟିକୁ’ ଅବଶିଷ୍ଟ ସମ୍ପତ୍ତି ବିତରଣ ଓ ସମାଧାନ ପ୍ରକ୍ରିୟାରେ ଅତିରିକ୍ତ କ୍ଷମତା ପ୍ରଦାନ କରାଯିବ ଓ ମାମଲାର ସମାଧାନପାଇଁ ୩୩୦ ଦିନର ସମୟସୀମା ଧାର୍ଯ୍ୟ କରାଯିବାର ବ୍ୟବସ୍ଥା ଅଛି। ବିରୋଧି ଦଳ ସଦସ୍ୟମାନଙ୍କର କିଛି ପ୍ରଶ୍ନର ଉତ୍ତର ଦେଇ ଅର୍ଥ ଓ ଉଦ୍ୟୋଗ ବ୍ୟାପାର ମନ୍ତ୍ରୀ ନିର୍ମଳା ସୀତାରମଣ କହିଛନ୍ତି, ଏହି ଆଇନ ଗୋଟିଏ କମ୍ପାନୀକୁ ଲୋପ ହେବାକୁ ଦେବ ନାହିଁ। ଏହି ଆଇନ କେବଳ ଦେବାଳିଆ ଅବସ୍ଥା ଉପରେ ପର୍ଯ୍ୟବସିତ ନୁହେଁ, ଏଥିରେ ସମାଧାନର ପଦ୍ଧତି ମଧ୍ୟ ରଖାଯାଇଛି।
ସଂସଦର ଅନୁମୋଦନ ଲାଭ କଲା ଦେବାଳିଆ ଆଇନ ବିଲ୍-୨୦୧୯
Popular Categories
Previous article
Next article