ଚଣ୍ଡିଗଡ଼ : ଜାମ୍ମୁ କାଶ୍ମୀର କ୍ରିକେଟ ଆସୋସିଏସନ (ଜେକେସିଏ) ଦୁର୍ନୀତି ମାମଲାରେ ପ୍ରବର୍ତ୍ତନ ନିର୍ଦେଶାଳୟ (ଇଡ଼ି) ବୁଧବାର ପୂର୍ବତନ ମୁଖ୍ୟମନ୍ତ୍ରୀ ଫାରକୁ ଅବଦୁଲାଙ୍କୁ ଜେରା କରିଛି।
ସୂଚନା ଅନୁସାରେ ଏନେଇ ଇଡ଼ି ଫାରକୁ ଅବଦୁଲାଙ୍କୁ ସମନ କରିଥିଲା। ବୁଧବାର ଦିନ ପ୍ରାୟ ସାଢେ ୧୨ଟା ବେଳେ ସେ ଚଣ୍ଡିଗଡ଼ସ୍ଥିତ ଇଡ଼ି କାର୍ଯ୍ୟାଳୟରେ ପହଞ୍ଚିଥିଲେ। ସେଠାରେ ତାଙ୍କୁ ଏ ସମ୍ପର୍କରେ ପଚରାଉଚୁରା କରାଯାଇଛି। ଏହି ଦୁର୍ନୀତି ମାମଲାରେ ୨୦୧୮ ଜାନୁଆରୀରେ ଫାରୁକ ଅବଦୁଲାଙ୍କୁ ସିବିଆଇ ଜେରା କରିଥିଲା। ଏହି ମାମଲାର ତଦନ୍ତ ଜାରି ରହିଛି।
ପ୍ରକାଶ ଯେ ଜାମ୍ମୁ କାଶ୍ମୀର କ୍ରିକେଟ ଆସୋସିଏସନ (ଜେକେସିଏ)ରେ ୧୧୩ କୋଟି ଟଙ୍କାର ଦୁର୍ନୀତି ହୋଇଥିବାର ଅଭିଯୋଗ ରହିଛି। ଏହି ଦୁର୍ନୀତିରେ ଜାମ୍ମୁ କାଶ୍ମୀରର ପୂର୍ବତନ ମୁଖ୍ୟମନ୍ତ୍ରୀ ଫାରକୁ ଅବଦୁଲାଙ୍କ ସମ୍ପୃକ୍ତି ରହିଥିବା ଦର୍ଶାଯାଇଛି। ଫଳରେ ଏହାକୁ ନେଇ ଜାମ୍ମୁ କାଶ୍ମୀର ହାଇକୋର୍ଟ ୨୦୧୫ରେ ଏହି ମାମଲାର ତଦନ୍ତ ଦାୟିତ୍ୱ ସିବିଆଇକୁ ପ୍ରଦାନ କରିଥିଲେ। ସିବିଆଇ ଏହି ମାମଲାର ତଦନ୍ତ କରୁଛି।
Comments are closed.