ନୂଆଦିଲ୍ଲୀ: ମହିଳାମାନଙ୍କୁ ଆଗ ଧାଡିରେ ବସିଥିବା ଦେଖି ଆଧ୍ୟତ୍ମିକ ଗୁରୁ ସ୍ୱାମୀ ଜ୍ଞାନବତ୍ସଳ କାର୍ଯ୍ୟକ୍ରମ ସ୍ଥଳରୁ ଚାଲିଯିବା ଘଟଣା ଚର୍ଚ୍ଚାର ବିଷୟ ପାଲଟିଛି। ଜୀ ମିଡ଼ିଆ ରିପୋର୍ଟ ମୁତାବକ ଘଟଣା ଘଟିଛି ଜୁନ ୩୦ରେ। ଜୟପୁରର ବିରଳା ଅଡିଟୋରିଅମରେ ଭାରତୀୟ ଭେଷଜ ମହାସଂଘ ଏବଂ ରାଜସ୍ଥାନ କାର୍ଯ୍ୟରତ ଡାକ୍ତର ସଂଘ ମିଳିତ ଆନୁକୂଲ୍ୟରେ ‘ରାଜ ମେଡ଼ିକନ – ୨୦୧୯’ ଆୟୋଜନ କରାଯାଇଥିଲା।
ପୂର୍ବରୁ ସ୍ୱାମୀ ଜ୍ଞାନବତ୍ସଳ ଅୟୋଜକମାନଙ୍କୁ କହିଥିଲେ ଯେ ଦର୍ଶକମାନଙ୍କ ପାଇଁ ଉଦ୍ଦିଷ୍ଟ ପ୍ରାଥଣ ତିନୋଟି ଧାଡିରେ ମହିଳାମାନେ ଆସନ ଗ୍ରହଣ କରିବେ ନାହିଁ। ଉଭୟ ଡାକ୍ତର ଓ ଆୟୋଜକଙ୍କ ମଧ୍ୟରେ ଆଲୋଚନା ପରେ ପ୍ରଥମ ଦୁଇଟି ଧାଡିରେ ମହିଳାମାନେ ନ ବସିବା ପାଇଁ ସ୍ଥିର ହୋଇଥିଲେ ମଧ୍ୟ ସ୍ୱାମୀଜୀ ଆସିବା ବେଳକୁ ଆଗ ଧାଡିରେ ମହିଳାମାନେ ବସି ସାରିଥିଲେ।
ପୁଣି ଥରେ ସ୍ୱାମୀ ଜ୍ଞାନବତ୍ସଳ ମହିଳାମାନଙ୍କୁ ଆଗରୁ ଉଠି ଯିବାକୁ କହିବାକୁ ଅୟୋଜକଙ୍କୁ କହିଥିଲେ। ତେବେ ଏହି ବାଦବିବାଦ ଫଳରେ ସ୍ୱାମୀଜୀଙ୍କ ମହିଳାଙ୍କ ପ୍ରତି ଏଭଳି ମନୋଭାବକୁ କିଛି ଡାକ୍ତରାଣୀ ଘଟଣାସ୍ଥଳରୁ ପଳାଇ ଯାଇଥିଲେ। ସ୍ୱାମୀ ଜ୍ଞାନବତ୍ସଳ ଯୁଆଡେ ଯାଆନ୍ତି ଏଭଳି ବ୍ୟବସ୍ତା ହେଉଥିବା ସ୍ୱାମୀଜୀଙ୍କ ଜଣେ ଭକ୍ତ କହିଛନ୍ତି। ଶେଷରେ ସ୍ୱାମୀଜୀ ବକ୍ତବ୍ୟ ନ ରଖି ସେହି ସ୍ଥାନରୁ ପଳାଇଯାଇଥିଲେ।
