ବଲାଙ୍ଗୀର : ବଲାଙ୍ଗୀର ସହର ପେଲେସଲାଇନ ଠାରେ ଥିବା ବିଦ୍ୟୁତ କାର୍ଯ୍ୟାଳୟ ପଡିଆରୁ ଏକ ନବଜାତ ଶିଶୁକୁ ଉଦ୍ଧାର କରାଯାଇଥିବା ଜଣାପଡିଛି। ଶିଶୁକୁ ଉଦ୍ଧାର କରି ସହରର ଜଣେ ଦମ୍ପତ୍ତି ଡାକ୍ତରଖାନାରେ ଭର୍ତ୍ତି କରିଥିବାବେଳେ ଶିଶୁ ସୁରକ୍ଷା କମିଟି ଶିଶୁର ସ୍ୱାସ୍ଥ୍ୟବସ୍ଥା ବୁଝିଥିବା ସୂଚନା ମିଳିଛି। ସୂଚନା ଅନୁସାରେ, ରବିବାର ଭୋରରୁ ବଲାଙ୍ଗୀରର ନରୋତ୍ତମକ ସାହୁ ଓ ତାଙ୍କ ସ୍ତ୍ରୀ ସୁଭାଷିନୀ ସାହୁ ପ୍ରାତଃଭ୍ରମଣରେ ଯିବା ସମୟରେ ପେଲେସଲାଇନ ବିଦ୍ୟୁତ ବିଭାଗ କାର୍ଯ୍ୟାଳୟକୁ ଲାଗିରହିଥିବା ପଡିଆରେ ଏକ ଶିଶୁର କାନ୍ଦ ଶବ୍ଦ ଶୁଣିବାକୁ ପାଇଥିଲେ। ଏହା ଶୁଣି ଉଭୟ ଉକ୍ତ ସ୍ଥାନକୁ ଯିବା ପରେ ସେଠାରେ ଏକ ନବଜାତ ଶିଶୁ ପଡିରହିଥିବା ଦେଖିବାକୁ ପାଇଥିଲେ। ତେବେ ଶିଶୁଟି ସଦ୍ୟ ଜନ୍ମିତ ହୋଇଥିବା ବେଳେ ସଙ୍ଗେ ସଙ୍ଗେ ଶିଶୁଟିକୁ ଉଭୟ ଡାକ୍ତରଖାନାକୁ ନେଇ ଭର୍ତ୍ତି କରିଇଥିଲେ। ଶିଶୁର ସ୍ୱାସ୍ଥ୍ୟବସ୍ଥା ଭଲ ରହିଥିବା ଜଣାପଡିଛି। ଖବର ପାଇ ଜିଲା ଶିଶୁ ସୁରକ୍ଷା ୟୁନିଟ କର୍ମକର୍ତ୍ତା ମାନେ ଡାକ୍ତରଖାନାରେ ପହଞ୍ଚି ଶିଶୁର ସ୍ୱାସ୍ଥ୍ୟବସ୍ଥା ବୁଝିଥିବା ଜଣାପଡିଛି। ତେବେ ଶିଶୁର ସ୍ୱାସ୍ଥ୍ୟବସ୍ଥା ଭଲ ଥିବା ବେଳେ ୨୪ ଘଣ୍ଟା ଡାକ୍ତରଖାନାରେ ରହିବ ଏବଂ ୭୨ ଘଣ୍ଟା ପରେ ଏହି ଶିଶୁ ପାଇଁ ନୋଟିସ କରାଯିବ। ଯଦି କେହି ଶିଶୁକୁ ଗ୍ରହଣ ନକରନ୍ତି ତେବେ ପରବର୍ତ୍ତି ପଦକ୍ଷେପ ଗ୍ରହଣ କରାଯିବ ବୋଲି ଡିସିପିୟୁର ଅରୁଣ ଖୁଆସ ସୂଚନା ଦେଇଛନ୍ତି। ତେବେ ଏହି ଶିଶୁଟି କୁମାରୀ ମାତୃତ୍ୱ କିମ୍ବା ଅବୈଧ ପ୍ରେମ ସମ୍ପର୍କ ଯୋଗୁ ଜନ୍ମ ନେଇଥାଇପାରେ ବୋଲି ସାଧାରଣରେ ସୂଚନା ମିଳିଛି। ଲୋକଲଜ୍ଜା ଭୟରେ କେହି ଏହି ଶିଶୁକୁ ଛାଡି ଚାଲିଯାଇଥିବା ସ୍ଥାନୀୟ ବାସିନ୍ଦା ଅଭିଯୋଗ କରିଛନ୍ତି।
Popular Categories
Previous article
Next article