କରୱର : ପାକିସ୍ତାନର ପ୍ରସିଦ୍ଧ ଲାଲ ଶାହାବାଜ କାଲାନ୍ଦର ମସ୍ଜିଦରେ ଅଂଶୁଘାତ କାରଣରୁ ୧୫ଜଣଙ୍କ ପ୍ରାଣହାନି ଘଟିଛି। ସିନ୍ଧୁପ୍ରଦେଶରେ ଅବସ୍ଥିତ ଏହି ମସ୍ଜିଦରେ ଶୁକ୍ରବାର ବାର୍ଷିକ ଉର୍ସ ଉତ୍ସବ ପାଳନ କରାଯାଉଥିବାବେଳେ ପ୍ରବଳ ଜନଗହଳି ହୋଇଥିଲା। ଗତ ୪ ଦିନ ଧରି ସିନ୍ଧୁପ୍ରଦେଶ ସହ ସମଗ୍ର ଦେଶରେ ଗ୍ରୀଷ୍ମପ୍ରବାହ ଲାଗିରହିଥିବାବେଳେ ଶୁକ୍ରବାର ସର୍ବାଧିକ ରୌଦ୍ରତାପ ଅନୁଭୂତ ହୋଇଥିଲା। ମସ୍ଜିଦରେ ହଜାର ହଜାର ଲୋକଙ୍କ ସମାଗମ ହୋଇଥିଲେ ମଧ୍ୟ ସେମାନଙ୍କ ପାଇଁ ବିଶେଷ କିଛି ବ୍ୟବସ୍ଥା ହୋଇ ନ ଥିବାରୁ ଏଭଳି ଦୁର୍ଘଟଣା ଘଟିଥିବା କୁହାଯାଉଛି। ସେହୱାନ୍ ଅଞ୍ଚଳରେ ଥିବା ଇଧି କେନ୍ଦ୍ରର ମୁଖ୍ୟ ସରୱର ଶେଖ୍ଙ୍କ କହିବାନୁଯାୟୀ, ଅତ୍ୟଧିକ ଗରମ ଯୋଗୁଁ ଲୋକଙ୍କୁ ନିୟନ୍ତ୍ରଣ କରିବା ସମ୍ଭବ ହୋଇ ନ ଥିଲା। ସୂଚନାଯୋଗ୍ୟ ଯେ ଏହି ମସ୍ଜିଦରେ ୨୦୧୭ ଫେବୃଆରୀରେ ଆଇଏସ୍ ଆତଙ୍କବାଦୀଙ୍କ ଆତ୍ମଘାତୀ ବିସ୍ଫୋରଣରେ ୯୦ ଲୋକଙ୍କ ପ୍ରାଣହାନି ଘଟିଥିଲା ଓ ୩୦୦ ଆହତ ହୋଇଥିଲେ।
Comments are closed.