ପ୍ରାଚୀନ କାଳରୁ ହିଁ ଚୁଡି ପିନ୍ଧିବା ଦ୍ୱାରା ମହିଳାଙ୍କ ସୌନ୍ଦର୍ଯ୍ୟ ଓ ସୌଭାଗ୍ୟ ବୃଦ୍ଧି ପାଇଥାଏ ବୋଲି ମାନ୍ୟତା ରହିଛି। ଚୁଡି ସୌନ୍ଦର୍ଯ୍ୟ ବଢାଇବା ସହ ସ୍ୱାସ୍ଥ୍ୟ ଓ ମାନସିକ ସ୍ଥିତି ଠିକ ରଖିଥାଏ। ଗ୍ରହମାନଙ୍କର ଦିଗ ଠିକ ରଖିବା ପାଇଁ ମଧ୍ୟ ଚୁଡି ପିନ୍ଧାଯାଇଥାଏ। ଆସନ୍ତୁ ଜାଣିବା ଚୁଡି ପିନ୍ଦିବା ଦ୍ୱାରା କି ଲାଭ ହୋଇଥାଏ।
ଚୁଡି ମୁଖ୍ୟ ରୂପରେ ଗୋଲ ଆକୃତିର ହୋଇଥାଏ। ଏହା ଚନ୍ଦ୍ର ଓ ବୁଧଙ୍କ ପ୍ରତୀକ ଅଟେ।
ବୈବାହିକ ଜୀବନ ଓ ସୌନ୍ଦର୍ଯ୍ୟ ସହ ସମ୍ବନ୍ଧ ରଖିଥିବା କାରଣରୁ ଏହା ଶୁକ୍ରଙ୍କ ପ୍ରତୀକ ମଧ୍ୟ ଅଟେ।
ଚୁଡି ପିନ୍ଧିବା ଦ୍ୱାରା ଏହା ମଣିବନ୍ଧକୁ ସ୍ପର୍ଶ କରିଥାଏ। ତେଣୁ ଏହା ସ୍ୱାସ୍ଥ୍ୟ ଉପରେ ଉତ୍ତମ ପ୍ରଭାବ ପକାଇଥାଏ।
ଠିକ ନିୟମ ଦ୍ୱାରା ଚୁଡି ପିନ୍ଧିବା ଦ୍ୱାରା ଏହା ବୈବାହିକ ଜୀବନରେ ସୁଖ ଦେଇଥାଏ।
ଚୁଟି ପିନ୍ଧିବାର ନିୟମ :
ଚୁଡି କିଣିବା ବେଳେ କିଛି ନିୟମ ରହିଥାଏ। ତେଣୁ ଏହାକୁ ମାନିବା ଦ୍ୱାରା ଆମର ଅନେକ ଉନ୍ନତି ହୋଇଥାଏ।
କେବେ ବି ମଙ୍ଗଳବାର ଓ ଶନିବାର ଦିନ ଚୁଡି କିଣନ୍ତୁ ନାହିଁ।
ନୂଆ ଚୁଡି ପିନ୍ଧିବା ପୂର୍ବରୁ ମା ଗୌରୀଙ୍କୁ ସର୍ମପଣ କରିବା ଉଚିତ।
ସର୍ବଦା ସକାଳ ଓ ସନ୍ଧ୍ୟା ସମୟରେ ନୂଆ ଚୁଡି ପିନ୍ଧିବା ଉଚିତ।
ଅବିବାହିତ ମାନେ ଯେକୌଣସି ଚୁଡି ପିନ୍ଧିପାରିବେ। କିନ୍ତୁ ବିବାହିତ ମହିଳା ମାନେ କଦାପି କଳା ରଙ୍ଗର ଚୁଡି ପିନ୍ଧନ୍ତୁ ନାହିଁ।
ମହିଳାମାନେ କାଚ, ସୁନା ଓ ରୂପାର ଚୁଡି ପିନ୍ଧିବା ଉଚିତ।
ଚୁଡିର ବିଶେଷ ବ୍ୟବହାର :
ସ୍ୱାସ୍ଥ୍ୟରେ ଉନ୍ନତି ପାଇଁ ସୁନା ଓ ରୂପାର ଚୁଡି ସମାନ ଭାବେ ମିଶାଇ ପିନ୍ଧନ୍ତୁ।
ବୈବାହିକ ଜୀବନରେ ସୁଖରେ ରହିବା ପାଇଁ ସର୍ବଦା ଲାଲ ଓ ଗୋଲାପୀ ରଙ୍ଗର ଚୁଡି ପିନ୍ଧନ୍ତୁ।
ଶୀଘ୍ର ବିବାହ କରିବା ପାଇଁ ମା ଦୁର୍ଗାଙ୍କୁ ଲାଲ ଓଢଣୀ ସହ ଲାଲ ରଙ୍ଗର ଚୁଡି ଅର୍ପଣ କରନ୍ତୁ।
ସନ୍ତାନ ପ୍ରାପ୍ତି ପାଇଁ ହଳଦିଆ ରଙ୍ଗର କାଚ ଚୁଡି ପିନ୍ଧନ୍ତୁ।
