ମୁଖିଗୁଡ଼ା : ଜୟପାଟଣା ଥାନା ଅନ୍ତର୍ଗତ କୁହୁରୀଗୁମା ଗ୍ରାମର ରୁପଧର ମାଝୀଙ୍କ ସନ୍ଦେହ ଜନକ ମୃତ୍ୟୁ ଘଟିଛି। ମଙ୍ଗଳପୁର ପଞ୍ଚାୟତ ଅନ୍ତର୍ଗତ କୁହୁରୀଗୁମା ଗ୍ରାମର ରୂପଧର ମାଝୀ ଗାଇ ଚରାଇ ପରିବାର ପ୍ରତିପୋଷଣ କରୁଥିଲେ। ଶନିବାର ଉପବାସ ରଖି ଇନ୍ଦ୍ରାବତୀ ପାୱାର ଚ୍ୟାନେଲ ରାଣୀବାହାଲ ନିକଟରେ ଗାଇଚରାଇବା ସମୟରେ ପୁଅକୁ କିଛି ଖାଇବା ଆଣିବାକୁ କହିଥିଲେ। ପୁଅ ଖାଇବା ଧରି ପହଞ୍ଚିବା ବେଳକୁ ସେ ଉକ୍ତ ସ୍ଥାନରେ ନଥିଲେ। ତାଙ୍କୁ କେନାଲରେ ଭାସି ଯାଇଥିବା ସନ୍ଦେହ କରି ଖୋଜା ଖୋଜି କରାଯାଇଥିଲେ ମଧ୍ୟ ତାଙ୍କର ସନ୍ଧାନ ମିଳିନଥିଲା। ରବିବାର ଅପରାହ୍ନ ୪ଟା ବେଳେ ରାଣୀବାହାଲ ଗୋଜିଆପଡ଼ା ମଝି ମାରୁ ଶବରଙ୍କ ଜମି ନିକଟ ବୁଦା ମଧ୍ୟରେ ରୁପଧରଙ୍କ ମୃତଦେହ ମିଳିଥିଲା। ରୁପଧରର ଶରୀରରେ ଆଘାତ ଥିବାରୁ ତାଙ୍କୁ ମାରି ଦିଆଯାଇଥିବା ସନ୍ଦେହ କରାଯାଉଛି। ଜୟପାଟଣା ଥାନାଧିକାରୀ ସୁଶାନ୍ତ ସାହୁ ଘଟଣା ସ୍ଥଳରେ ପହଞ୍ଚି ଅନୁସନ୍ଧାନ ଜାରି ରଖିଛନ୍ତି।
Popular Categories
Previous article
Next article