ନୂଆଦିଲ୍ଲୀ: ଦିଲ୍ଲୀ ଏନସିଆର ପ୍ରଦୂଷଣକୁ ନେଇ ସୁପ୍ରିମକୋର୍ଟ ଗଭୀର ଚିନ୍ତା ପ୍ରକଟ କରିଛନ୍ତି। ସୁପ୍ରିମକୋର୍ଟ କହିଛନ୍ତି ଯେ ସ୍ଥିତି ବହୁତ ଗୁରୁତର ହେବାରେ ଲାଗିଛି ଯାହା ସ୍ବାସ୍ଥ୍ୟ ପାଇଁ କ୍ଷତିକାରକ। ଏହା ସହିତ ସୁପ୍ରିମକୋର୍ଟ ବରିଷ୍ଠ ଓକିଲକୁ କୋର୍ଟ ନ ଆସି ଆଭାସୀ ଜରିଆରେ ଉପସ୍ଥିତ ରହିବାକୁ ନିର୍ଦେଶ ଦେଇଛନ୍ତି। ଗୁରୁବାର ଜଷ୍ଟିସ୍ ପି ଏସ୍ ନରସିହ୍ମା ଏବଂ ଜଷ୍ଟିସ୍ ଅତୁଲ ଏସ୍ ଚନ୍ଦୁରକରଙ୍କ ପୀଠରେ ଅନ୍ୟ ମାମଲାର ମଧ୍ୟ ଶୁଣାଣି ଚାଲିଥିଲା। ଏହି ସମୟରେ ଜଷ୍ଟିସ୍ ନରସିହ୍ମା କହିଛନ୍ତି ଯେ ପ୍ରଦୂଷଣ ସ୍ଥିତି ବହୁତ ଖରାପ ଓ ଗମ୍ଭୀର। ଏହା ସ୍ବାସ୍ଥ୍ୟ ପ୍ରତି କ୍ଷତିକାରକ ବୋଲି କହିବା ସହ ସମସ୍ତେ ଆଭାସୀ ମାଧ୍ୟମରେ ଉପସ୍ଥିତ ରହିବାକୁ ସେ ନିର୍ଦ୍ଦେଶ ଦେଇଛନ୍ତି। ବରିଷ୍ଠ ଓକିଲ କପିଲ ସିବ୍ବଲ ମଧ୍ୟ କହିଛନ୍ତି ଯେ ସମସ୍ତଙ୍କୁ ମାସ୍କ ଲଗାଇବା ପ୍ରତି ଧ୍ୟାନ ଦେବା ଉଚିତ୍। ସୂଚନାଯୋଗ୍ୟ ଶୁକ୍ରବାର ମଧ୍ୟ ଦିଲ୍ଲୀ ବାୟୁର ଗୁଣବତ୍ତାରେ ସୁଧାର ଆସିନି। ସକାଳ ୮ଟାରେ ଏୟାର କ୍ବାଲିଟି ଇଣ୍ଡେକ୍ସ(ଏକ୍ୟୁଆଇ) ୩୯୭ ରହିଛି ଯାହା ବହୁତ ଖରାପ ଶ୍ରେଣୀ ଅନ୍ତର୍ଭୁକ୍ତ।
Popular Categories
Previous article
Next article