ଗଜପତି: ଗଜପତି ଜିଲ୍ଲା ସଦରମହକୁମା ପାରଳାଖେମୁଣ୍ଡି ରେଳଷ୍ଟେସନଠାରେ ପୂର୍ବତଟ ୱାଲଟିୟର ଡିଭିଜନର ଏଡିଆରଏମ୍ (ଭିତ୍ତିଭୂମି) ଇ. ଶାନ୍ତାରାମ ଉନ୍ନୟନ ମୂଳକ କାମର ସମୀକ୍ଷା କରିଛନ୍ତି। ଗୁରୁବାର ବିଶାଖାପାଟଣାରୁ ଗୁଣୁପୁର ଯାଉଥିବା ଟ୍ରେନ୍ ଯୋଗେ ନୈପଡାରୁ ପାରଳାଖେମୁଣ୍ଡି ଯାଏଁ ରହିଥିବା ରେଳପଥର ନିରୀକ୍ଷଣ କରିଥିଲେ। ମୁଖ୍ୟ କରି ବିଭିନ୍ନ ଷ୍ଟେସନ ସମେତ ଷ୍ଟେସନରେ ରହିଥିବା ଭିତ୍ତିଭୂମିଗୁଡିକର ସ୍ଥିତି ଓ ଟ୍ରାକର ପରିସ୍ଥିତି ଦେଖିଥିଲେ। ପରେ ପାରଳାଖେମୁଣ୍ଡିଠାରେ ଅମୃତ ଭାରତ ଯୋଜନାରେ ଉଦଘାଟନ ହେବାକୁ ଥିବା ରେଳ ଷ୍ଟେସନର ନିର୍ମାଣ କାର୍ଯ୍ୟର ସରଜମିନ ତଦନ୍ତ କରିଥିଲେ। ତେବେ ନିର୍ମାଣ କାର୍ଯ୍ୟ ଦ୍ରୁତଗତିରେ ଓ ସଠିକ୍ ଭାବେ କରିବାକୁ ନିର୍ଦ୍ଦେଶ ଦେଇଥିଲେ। ଏପରି କି ଷ୍ଟେସନ ନିର୍ମାଣ ପରଠାରୁ କେଉଁଠାରେ ବଲ୍ବ ନ ଜଳିବା ତ କେଉଁଠି ଟାଇଲ୍ସ ଉଠିବା ଏପରିକି ବର୍ଷା ଜଳ ପ୍ଲାଟଫର୍ମରେ ପ୍ରବାହିତ ହେବା ଓ ଆଲୋକୀକରଣ ବ୍ୟବସ୍ଥାକୁ ସୁଧାରିବା ପାଇଁ ତାଗିଦ କରିଥିଲେ। ଏ ନେଇ ହେଉଥିବା ବାରମ୍ବାର ଅଭିଯୋଗକୁ ନେଇ ବିରକ୍ତି ପ୍ରକାଶ କରିଥିଲେ।
Popular Categories
Previous article
Next article